ଏମ୍ଏସ୍ଏମ୍ଇକୁ ଋଣ ଆବଂଟନ ତ୍ୱରାନ୍ୱିତ: ଟ୍ରାନ୍ସୟୁନିୟନ୍ ସିବିଲ୍ ଭୁବନେଶ୍ୱର: ଟ୍ରାନ୍ସୟୁନିୟନ୍ ସିବିଲ୍-ସିଡ୍ବି ଏମ୍ଏସ୍ଏମ୍ଇ ପଲସ୍ ରିପୋର୍ଟ ଜାରି ହୋଇଛି । ମହାମାରୀ ପୂର୍ବ ସମୟ ତୁଳନାରେ ଏମ୍ଏସ୍ଏମ୍ଇ କ୍ଷେତ୍ରକୁୁ ଋଣ ଆବଂଟନ ଦ୍ୱିଗୁଣିତ ହୋଇଥିବା ଏଥିରେ ଉଲ୍ଲେଖ କରାଯାଇଛି । ୨୦୨୨ ମାର୍ଚ୍ଚ ସୁଦ୍ଧା ଏମ୍ଏସ୍ଏମ୍ଇ କ୍ଷେତ୍ରକୁ ଦିଆଯାଇଥିବା ଋଣ ପରିମାଣ ୨୩.୧୨ ଲକ୍ଷ କୋଟି ଟଙ୍କା ରହିଛି । ଗତବର୍ଷ ତୁଳନାରେ ଏଥିରେ ୬.୩ ପ୍ରତିଶତ ବୃଦ୍ଧି ହୋଇଛି । ସକ୍ରିୟ ଏମ୍ଏସ୍ଏମ୍ଇ ଋଣଗ୍ରହୀତାଙ୍କ ସଂଖ୍ୟାରେ ୬ ପ୍ରତିଶତ ବୃଦ୍ଧି ହୋଇଛି । ରିପୋର୍ଟକୁ ଅନୁଶୀଳନ କରିବାରୁ ଜଣାପଡ଼ିଛି ଯେ ମହାମାରୀର ଦ୍ୱିତୀୟ ଲହର ପରେ ଏମ୍ଏସ୍ଏମ୍ଇ କ୍ଷେତ୍ରରେ ଋଣ ଚାହିଦା ତ୍ୱରାନ୍ୱିତ ହୋଇଛି । କୋଭିଡ୍ ମହାମାରୀ ପୂର୍ବ ସମୟ ତୁଳନାରେ ଏହା ୧.୬ ଗୁଣା ଅଧିକ ରହିଛି । ଗତବର୍ଷ ତୁଳନାରେ ବାଣିଜ୍ୟିକ ଋଣ ଅନୁସନ୍ଧାନରେ ମଧ୍ୟ ବୃଦ୍ଧି ହୋଇଛି । ସରକାରୀ କ୍ଷେତ୍ରର ବ୍ୟାଙ୍କରେ ଅନୁସନ୍ଧାନ ୧.୬ ଗୁଣା ଓ ଘରୋଇ ବ୍ୟାଙ୍କରେ ୧.୭ ଗୁଣା ବୃଦ୍ଧି ପାଇଛି । ଅଣ ବ୍ୟାଙ୍କିଙ୍ଗ ଆର୍ଥିକ ଅନୁଷ୍ଠାନ (ଏନବିଏଫ୍ସି)ରେ ସୁଧାର ହାରରେ ଉନ୍ନତି ହୋଇଛି । ଏନ୍ବିଏଫ୍ସିରେ ଅନୁସନ୍ଧାନରେ ୧.୪ ଗୁଣା ବୃଦ୍ଧି ଘଟିଛି । ଏମ୍ଏସ୍ଏମ୍ଇ ପଲ୍ସ ରିପୋର୍ଟର ସଦ୍ୟତମ ସଂସ୍କରଣ ବିଷୟରେ ସିଡ୍ବିର ସିଏମ୍ଡି ଶିବସୁବ୍ରମଣିଅନ୍ ରମଣ କହିଛନ୍ତି ଯେ, “ଏମ୍ଏସ୍ଏମ୍ଇ ପଲ୍ସର ଏହି ସଂସ୍କରଣ ତଥ୍ୟରୁ ଋଣ ଚାହିଦା ଓ ଯୋଗାଣକୁ ନେଇ ଯେଉଁ ତଥ୍ୟ ମିଳିଛି ସେଥିରୁ ଏହା ବୁଝାପଡ଼ୁଛି ଯେ ଇସିଏଲ୍ଜିଏସ୍ ଜରିଆରେ ସଠିକ୍ ସମୟରେ ପାଣ୍ଠି ପ୍ରଦାନ କରାଯିବା ଯୋଗୁଁ ଏମ୍ଏସ୍ଏମ୍ଇ କ୍ଷେତ୍ରର ପୁନଃଅଭ୍ୟୁଦୟ ଘଟିଛି । ଋଣ ପ୍ରଦାନକାରୀମାନେ ସଫଳତାର ସହ ଇସିଏଲ୍ଜିଏସ୍କୁ କାର୍ଯ୍ୟକାରୀ କରିଛନ୍ତି ଏବଂ ସମସ୍ତ ଏମ୍ଏସ୍ଏମ୍ଇ କ୍ଷେତ୍ରକୁ ସମୟୋପଯୋଗୀ ସହାୟତା ପ୍ରଦାନ କରିଛନ୍ତି । ଏହି ପାଣ୍ଠି ହାସଲ କରିଥିବାରୁ ଏମ୍ଏସ୍ଏମ୍ଇଗୁଡ଼ିକ ନିଜ ବ୍ୟବସାୟ ଅଭିବୃଦ୍ଧିକୁ ଦ୍ରୁତ ଗତିରେ ବ୍ୟାପକ କରିପାରିବେ ।’’ ଟ୍ରାନ୍ସୟୁନିୟନ୍ ସିବିଲ୍ର ପରିଚାଳନା ନିର୍ଦେଶକ ଓ ସିଇଓ ରାଜେଶ କୁମାର କହିଛନ୍ତି ଯେ, “ସବୁ କ୍ଷେତ୍ରରେ ଏମ୍ଏସ୍ଏମ୍ଇ ଋଣ ଚାହିଦା ବୃଦ୍ଧି ପାଇବା ଯୋଗୁଁ ଅର୍ଥନୀତିରେ ଉତମ ସୁଧାର ହୋଇପାରିଛି । ଏହି ଚାହିଦାକୁ ପୂରଣ କରିବ ଋଣ ପ୍ରଦାନକାରୀମାନେ ସେମାନଙ୍କ ପୋର୍ଟଫୋଲିଓକୁ ବଢ଼ାଇପାରିବେ ଏବଂ ଆର୍ଥିକ ଅନ୍ତର୍ଭୁକ୍ତୀକରଣ ଓ ଜିଡିପି ଅଭିବୃଦ୍ଧିକୁ ମଧ୍ୟ ଯୋଗଦାନ ପ୍ରଦାନ କରିପାରିବେ । ଏମ୍ଏସ୍ଏମ୍ଇର ଏକ ସାମଗ୍ରିକ ଦୃଷ୍ଟିକୋଣ ପାଇଁ ବିଭିନ୍ନ ଉତ୍ସରୁ ତଥ୍ୟ ଜରିଆରେ ଦ୍ରୁତ ଓ ନିରବଚ୍ଛିନ୍ନ ସୁବିଧା ପ୍ରଦାନ ଜରିଆରେ ଏହି ସୁଧାରକୁ ଆହୁରି ତ୍ୱରାନ୍ୱିତ କରାଯାଇପାରିବ । ଭାରତୀୟ ଏମ୍ଏସ୍ଏମ୍ଇ କ୍ଷେତ୍ରର ଦୀର୍ଘମିଆଦୀ ଉଦୟ ପାଇଁ ଦରକାର ହେଉଥିବା ଆଧାର ଶୀଳା ଗଠନ ଚକ୍ସସଙ୍ଖବଗ୍ଧର କରିବା ଲାଗି ଏମ୍ଏସ୍ଏମ୍ଇର ସମୃଦ୍ଧ ଦୃଷ୍ଟିକୋଣ ପ୍ରଦାନ କରୁଥିବା ଫୋର୍ଟିଫାଏଡ୍ ସୂଚନା ଭିତିଭୂମି ଦରକାର ।’’
ଏମ୍ଏସ୍ଏମ୍ଇକୁ ଋଣ ଆବଂଟନ ତ୍ୱରାନ୍ୱିତ: ଟ୍ରାନ୍ସୟୁନିୟନ୍ ସିବିଲ୍ ଭୁବନେଶ୍ୱର: ଟ୍ରାନ୍ସୟୁନିୟନ୍ ସିବିଲ୍-ସିଡ୍ବି ଏମ୍ଏସ୍ଏମ୍ଇ ପଲସ୍ ରିପୋର୍ଟ ଜାରି ହୋଇଛି । ମହାମାରୀ ପୂର୍ବ ସମୟ ତୁଳନାରେ ଏମ୍ଏସ୍ଏମ୍ଇ
Read More