ଥଲାଇଭି ଦେଖିବା ପରେ କାନ୍ଦି ପକାଇଲେ କଙ୍ଗନାଙ୍କ ବାପା-ମା’, କହିଲେ….
ମୁମ୍ବାଇ : ଅଭିନେତ୍ରୀ କଙ୍ଗନା ରଣାୱତ ତାଙ୍କର ଆଗାମୀ ଫିଲ୍ମ ‘ଥାଲାଇଭି’ ଦେଖିବା ପରେ ତାଙ୍କ ବାପା-ମାଙ୍କ ପ୍ରତିକ୍ରିୟା ସେୟାର୍ କରିଛନ୍ତି। ଫଟୋରେ ତାଙ୍କ ବାପା-ମା ‘ଭି’ ଫିଙ୍ଗର୍ ଜେଶ୍ଚର୍ କରୁଥିବା ନଜର ଆସିଛନ୍ତି। ଫଟୋ ସେୟାର କରି ଅଭିନେତ୍ରୀ ଲେଖିଛନ୍ତି, ‘ଫିଲ୍ମ ଦେଖିବା ପରେ ମମି ପାପା କହିଛନ୍ତି, ୫ମ ଜାତୀୟ ପୁରସ୍କାର ପାଇଁ ଅଭିନନ୍ଦନ। ଗୁରୁବାର ସକାଳେ କଙ୍ଗନା ତାମିଲନାଡୁର ସ୍ୱର୍ଗତ ମୁଖ୍ୟମନ୍ତ୍ରୀ ତଥା ପୂର୍ବତନ ଅଭିନେତ୍ରୀ ଜେ. ଜୟଲଳିତାଙ୍କ ଜୀବନୀ ଉପରେ ଆଧାରିତ ଏକ ବାୟୋପିକ୍ ଫିଲ୍ମର ଫଟୋ ସେୟାର କରିଛନ୍ତି, ଯାହା ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ରିଲିଜ୍ ହେବ । ଫଟୋ ସହିତ ସେ ଲେଖିଛନ୍ତି, ଦୁଇ ବର୍ଷ ପୂର୍ବେ ସ୍କ୍ରୀନ୍ରେ ଭାରତର ସବୁଠାରୁ ପ୍ରତିଷ୍ଠିତ ମହିଳାଙ୍କ ମଧ୍ୟରୁ ଜଣଙ୍କ ଭୂମିକା ଗ୍ରହଣ ପାଇଁ ଯାତ୍ରା ଆରମ୍ଭ କରିଥିଲି । ଆମ ରାସ୍ତାରେ ଅନେକ ବାଧା ବିଘ୍ନ ଥିଲା କିନ୍ତୁ ଆମେ ଯାହା କରିଥିଲୁ ତାହା କାମ ପ୍ରତି ଆମର ଆଗ୍ରହ ଥିଲା । ଏହି ଫିଲ୍ମରେ ଜୟଲଳିତାଙ୍କ ଜୀବନର ବିଭିନ୍ନ ଦିଗ ଚିତ୍ରିତ ହୋଇଛି, ଜଣେ ଅଭିନେତ୍ରୀ ଭାବରେ ଯାତ୍ରା ଠାରୁ ଆରମ୍ଭ କରି ତାମିଲ ସିନେମାର ଚେହେରା ହେବା ପର୍ଯ୍ୟନ୍ତ ଏବଂ ରାଜ୍ୟ ରାଜନୀତିର ଗତି ବଦଳାଇଥିବା ଜଣେ ବିପ୍ଳବୀ ନେତାଙ୍କ ପର୍ଯ୍ୟନ୍ତ ସେ ଚିତ୍ରଣ କରିଛନ୍ତି।
