ମର୍କତନଗର ପୂଜ୍ୟପୂଜା ପରିଷଦ ପକ୍ଷରୁସ୍ବର୍ଗତ ବିଭୁଦତ୍ତ ଜେନାଙ୍କ ବିୟୋଗରେ ଶୋକସଭା

ମର୍କତନଗର ପୂଜ୍ୟପୂଜା ପରିଷଦ ପକ୍ଷରୁସ୍ବର୍ଗତ ବିଭୁଦତ୍ତ ଜେନାଙ୍କ ବିୟୋଗରେ ଶୋକସଭା
କଟକ : ତା.12.7-ରେଭେନ୍ସା କଲେଜର ପୂର୍ବତନ ଛାତ୍ରନେତା, ବିଶିଷ୍ଟ ପରିବେଶବିତ, ବିଖ୍ୟାତ ସାପ ଧରାଳି ଓ ଯୁବ ଆଇନଜୀବୀ ସ୍ୱର୍ଗତ ବିଭୁଦତ୍ତ ଜେନାଙ୍କ ଅକାଳ ବିୟୋଗରେ ମର୍କତନଗର ପୂଜ୍ୟପୂଜା ପରିଷଦ ପକ୍ଷରୁ ଶୋକସଭା ଅନୁଷ୍ଠିତ ହୋଇଯାଇଛି ! ସେକ୍ଟର -6 ମର୍କତନଗରସ୍ଥିତ ଜୟପ୍ରକାଶ ନାରାୟଣ ପାର୍କ ମୁଖ୍ୟ ଫାଟକ ସମୁଖରେ ଅନୁଷ୍ଠିତ ସଭାରେ ରେଭେନ୍ସା କଲେଜର ପୂର୍ବତନ ସଭାପତି ତଥା ବିଶିଷ୍ଟ ଶିକ୍ଷାବିତ ଡକ୍ଟର ଜ୍ଞାନଗୁରୁ ଦାସ ପୌରାହିତ୍ୟ କରିଥିଲେ ! ପ୍ରାରମ୍ଭରେ ରାଷ୍ଟ୍ରୀୟ ନେତାଜୀ ମିଶନ, ଉତ୍କଳ ସନ୍ତାନ, ନ୍ୟୁଜ ଆଣ୍ଡ ଭ୍ୟୁଜ ଓ ରାଷ୍ଟୀୟ ମହତାବ ସେବାଦଳ ପକ୍ଷରୁ ଶ୍ରଦ୍ଧାଞ୍ଜଳି ଅର୍ପଣ କରାଯିବା ପରେ ସ୍ମୃତିଚାରଣ କରାଯାଇଥିଲା ! ଅନ୍ୟମାନଙ୍କ ମଧ୍ୟରେ ସର୍ବଶ୍ରୀ ବରିଷ୍ଠ ଶ୍ରମିକନେତା ଅକ୍ଷୟ କୁମାର ଦାସ, ଆଇନଜୀବୀ ପ୍ରଶାନ୍ତ କୁମାର ନାୟକ, ମହେନ୍ଦ୍ର କୁମାର ମହାପାତ୍ର, ସୁବାସଚନ୍ଦ୍ର ବରାଳ, ଏସ. ପିନାକୀନ, ଶିଳ୍ପପତି ପ୍ରମୋଦ କୁମାର ନାୟକ, ସାମ୍ବାଦିକ ସୌମ୍ୟରଞ୍ଜନ ପଟ୍ଟନାୟକ, କଂଗ୍ରେସ ନେତା ଧରଣୀଧର ପଟ୍ଟନାୟକ, ସମାଜସେବୀ ସୁଶାନ୍ତ କୁମାର ଦାସ, ମୁରଲୀଧର ଶତପଥି, ଅତିଥି ମହାପାତ୍ର, ଶଶିକାନ୍ତ ସ୍ୱାଇଁ ଓ ପ୍ରସନ୍ନ କୁମାର ମହାପାତ୍ର ପ୍ରମୁଖ ସ୍ବର୍ଗତ ଜେନାଙ୍କ ବହୁମୁଖୀ ପ୍ରତିଭା ସମ୍ପର୍କରେ ଅନୁଭୂତି ବର୍ଣ୍ଣନା କରିଥିଲେ ! ଆତ୍ମାର ସଦଗତି ନିମିତ୍ତ ଦୁଇ ମିନିଟ ନିରବ ପ୍ରାର୍ଥନା କରାଯାଇ ଶୋକ ବ୍ୟକ୍ତ କରାଯାଇଥିଲା ! ଶେଷରେ ପରିଷଦର ଲୋକସମ୍ପର୍କ ପ୍ରମୁଖ ବିଜୟ କୁମାର ସାମଲ କୃତଜ୍ଞତା ଜ୍ଞାପନ କରିଥିଲେ !