ତାମିଲନାଡ ମର୍ସାଟାଂଇଲ୍ ବ୍ୟାଙ୍କ ଲିମିଟେଡ୍ ପକ୍ଷରୁ ୧୦ ଆଙ୍କର ନିବେଶକଙ୍କଠାରୁ ୩୬୩.୫୩ କୋଟି ଟଙ୍କା ହାସଲ
ତାମିଲନାଡ ମର୍ସାଟାଂଇଲ୍ ବ୍ୟାଙ୍କ ଲିମିଟେଡ୍ ପକ୍ଷରୁ ୧୦ ଆଙ୍କର ନିବେଶକଙ୍କଠାରୁ ୩୬୩.୫୩ କୋଟି ଟଙ୍କା ହାସଲ
ଇକ୍ୱିଟି ସେୟାର ପିଛା ୫୧୦ ଟଙ୍କା ମୂଲ୍ୟରେ ୭୧,୨୮,୦୦୦ ଇକ୍ୱିଟି
ସେୟାର ଆବଂଟନ
ଅଣ-ଆଙ୍କର ଅଫର ୨୦୨୨ ସେପ୍ଟେମ୍ବର ୫ରେ ଖୋଲିବ ଓ ୭ ତାରିଖରେ ବନ୍ଦ
ହେବ
ଭୁବନେଶ୍ୱର: ତାମିଲନାଡ୍ ମର୍ସାଟାଂଇଲ୍ ବ୍ୟାଙ୍କ ପ୍ରସ୍ତାବ ଇନିସିଆଲ
ପବ୍ଲିକ ଅଫର (ଆଇପିଓ) ପୂର୍ବରୁ ସେୟାର ପିଛା ୫୧୦ ଟଙ୍କାରେ ୧୦ ଆଙ୍କର
ନିବେଶକଙ୍କୁ (୨୧ ଆବେଦନ) ୭୧,୨୮,୦୦୦ ଇକ୍ୱିଟି ସେୟାର ଜାରି କରିଛି
ଓ ୩୬୩.୫୩ କୋଟି ଟଙ୍କା ହାସଲ କରିଛି ।
ସେହି ଆଙ୍କର ନିବେଶକମାନେ ହେଉଛନ୍ତି ବଜାଜ ଆଲିଆଂଜ ଲାଇଫ
ଇନ୍ସ୍ୟୁରାନ୍ସ, ନୁମୋରା ସିଙ୍ଗାପୁର ଲିମିଟେଡ୍-ଓଡିଆଇ, ବ୍ଲେଣ୍ଡ୍ ଫଣ୍ଡ୍
୨, ମ୍ୟାକ୍ସ ଲାଇଫ୍ ଇନ୍ସ୍ୟୁରାନ୍ସ କଂପାନି ଲିମିଟେଡ୍, ସୋସେଇଟି
ଜେନେରାଲ-ଓଡିଆଇ, କୋଟାକ୍ ମହିନ୍ଦ୍ରା ଲାଇଫ୍ ଇନ୍ସ୍ୟୁରାନ୍ସ କଂପାନି
ଲିମିଟେଡ୍, ଚୋଳମଣ୍ଡଳମ ଏମ୍ଏସ ଜେନେରାଲ ଇନସ୍ୟୁରାନ୍ସ କଂପାନି
ଲିମିଟେଡ୍, ଆଉଥୁମ ଇନଭେଷ୍ଟମେଂଟ୍ ଆଣ୍ଡ୍ ଇନଫ୍ରାଷ୍ଟ୍ରକଚର
ଲିମିଟେଡ୍୍, ଆଲକେମି ଭେଂଚର୍ସ ଫଣ୍ଡ ସ୍କିମ୍-୧ ଓ ମନିୱାଇଜ
ଫାଇନାନ୍ସିଆଲ ସର୍ଭିସେସ୍ ଲିମିଟେଡ୍ ।
କଂପାନିର ମୋଟ ଅଫର ପରିମାଣ ୧୫,୮୪୦,୦୦୦ ସଂଖ୍ୟକ ଇକ୍ୱିଟି ସେୟାର
ପର୍ଯ୍ୟନ୍ତ ରହିଛି ଯେଉଁଥିରେ ଇକ୍ୱିଟି ସେୟାରଗୁଡ଼ିକୁ ନୂଆ ଭାବେ
ଜାରି କରାଯିବ ।
ଏହି ଅଫରରୁ ଯେଉଁ ପାଣ୍ଠି ହାସଲ ହେବ ତାହାକୁ ବ୍ୟାଙ୍କର ଭବିଷ୍ୟତ ପୁଂଜି
ଆବଶ୍ୟକତା ପୂରଣ କରିବା ଲାଗି ବ୍ୟାଙ୍କର ଟାୟାର-୧ ପୁଂଜିକୁ ଦୃଢ଼
କରିବାରେ ବ୍ୟବହାର କରାଯିବ ଯାହା ଦ୍ୱାରା ବ୍ୟାଙ୍କର ସଂପତି ବିଶେଷ କରି
ବ୍ୟାଙ୍କର ଋଣ/ ଅଗ୍ରୀମ ଓ ନିବେଶ ପୋର୍ଟଫୋଲିଓରେ ବୃଦ୍ଧି ହେବ ଏବଂ
ନିୟମିତ ବ୍ୟବଧାନରେ ପୁଂଜି ସ୍ୱଚ୍ଛଳତା ହାରକୁ ନେଇ ରିଜର୍ଭ ବ୍ୟାଙ୍କ ଧାର୍ଯ୍ୟ
କରୁଥିବା ବୈଧାନିକ ନିୟମ ପାଳନକୁ ନିଶ୍ଚିତ କରିବ ବୋଲି ଆଶା
କରାଯାଉଛି ।
ଅଫରରେ ଇକ୍ୱିଟି ସେୟାର ପିଛା ଦାମ୍ ୫୦୦ ଟଙ୍କାରୁ ୫୨୫ ଟଙ୍କା ମଧ୍ୟରେ
ଧାର୍ଯ୍ୟ କରାଯାଇଛି । ସର୍ବନିମ୍ନ ୨୮ଟି ଇକ୍ୱିଟି ସେୟାର ପାଇଁ ବିଡ୍
ଦାଖଲ କରିହେବ ଏବଂ ଏହା ପରେ ୨୮ଟି ଲେଖାଏଁ ଗୁଣିତକ ହିସାବରେ
ଆଗକୁ ବଢ଼ିବାକୁ ହେବ ।
ଏହି ଅଫରର ବୁକ ରନିଂ ଲିଡ୍ ମ୍ୟାନେଜରମାନେ ହେଉଛନ୍ତି ଆକ୍ସିସ୍
କ୍ୟାପିଟାଲ୍ ଲିମିଟେଡ୍, ମୋତିଲାଲ ଓସ୍ୱାଲ ଇନଭେଷ୍ଟମେଂଟ୍
ଆଡଭାଇଜର୍ସ ଲିମିଟେଡ୍ ଓ ଏସବିଆଇ କ୍ୟାପିଟାଲ୍ ମାର୍କେଟସ୍
ଲିମିଟେଡ୍ ।
