ଆର୍ଥିକ ବର୍ଷ 2021-22 ରେ ପିଏମଇଜିପି ଅନ୍ତର୍ଗତ ସବୁଠାରୁ ଅଧିକ ରୋଜଗାର ସୃଷ୍ଟି କରିବା ସହିତ ପୂର୍ବର ସମସ୍ତ ରେକର୍ଡ଼କୁ ଭାଙ୍ଗିଲା ଖଦି ଓ ଗ୍ରାମୋଦ୍ୟୋଗ ଆୟୋଗ (କେଭିଆଇସି)
New Delhi, 19th April: ପ୍ରଧାନମନ୍ତ୍ରୀ ରୋଜଗାର ସୃଷ୍ଟି କାର୍ଯ୍ୟକ୍ରମ (ପିଏମଇଜିପି) କାର୍ଯ୍ୟକାରୀ କରିବା କ୍ଷେତ୍ରରେ ଖଦି ଓ ଗ୍ରାମୋଦ୍ୟୋଗ ଆୟୋଗ (କେଭିଆଇସି) ପାଇଁ ଆର୍ଥିକ ବର୍ଷ 2021-22 ଐତିହାସିକ ସଫଳତାର ବର୍ଷ ହୋଇଛି । ଆୟୋଗ ଅଭୂତପୂର୍ବ ଭାବରେ 1.03 ଲକ୍ଷ ନୂଆ ବିନିର୍ମାଣ ଓ ସେବା ୟୁନିଟର ସ୍ଥାପନା କରିଛି ଏବଂ 8.25 ଲକ୍ଷରୁ ଅଧିକ ରୋଜଗାର ସୃଷ୍ଟି କରିଛି। ଏହା ସହିତ ପିଏମଇଜିପି ବର୍ଷ 2021-22 ରେ ସରକାରଙ୍କ ଆତ୍ମ-ନିର୍ଭରଶୀଳତାର ସବୁଠାରୁ ଶକ୍ତିଶାଳୀ ଉପାୟ ଭାବରେ ଉଭା ହୋଇଛି, ଯଦିଓ ଦେଶ କୋଭିଡ୍ – 19 ମହାମାରୀର ଦ୍ବିତୀୟ ଲହର ସମୟରେ ବର୍ଷର ପ୍ରଥମ 3 ମାସରେ ଆଂଶିକ ଭାବରେ ଲକ୍ଡାଉନ୍ ରହିଥିଲା।
ବର୍ଷ 2008 ରେ ପିଏମଇଜିପି ଯୋଜନାର ଆରମ୍ଭ ପରେ ପ୍ରଥମ ଥର ପାଇଁ କେଭିଆଇସି ଗୋଟିଏ ଆର୍ଥିକ ବର୍ଷରେ ଏକ ଲକ୍ଷରୁ ଅଧିକ ନୂତନ ୟୁନିଟ୍ ସ୍ଥାପନ କରିବାରେ ସଫଳ ହୋଇଛି। ଏହି 103219 ୟୁନିଟରେ ପ୍ରାୟ 12000 କୋଟି ଟଙ୍କାର ସମୁଦାୟ ପୁଞ୍ଜିରେ ସ୍ଥାପିତ କରାଯାଇଛି ଯେଉଁଥିରେ କେଭିଆଇସି 2978 କୋଟି ଟଙ୍କାର ମାର୍ଜିନ ମନି ସବ୍ସିଡି ପ୍ରଦାନ କରିଛି। ଏହା ସହିତ ବ୍ୟାଙ୍କ କ୍ରେଡିଟ୍ ପ୍ରବାହ ପ୍ରାୟ 9000 କୋଟି ଟଙ୍କା ରହିଛି। ବର୍ଷ 2021-22 ରେ କେଭିଆଇସି ଦ୍ବାରା ଦିଆ ଯାଇଥିବା 2978 କୋଟି ଟଙ୍କାର ମାର୍ଜିନ ମନି ସବ୍ସିଡି ବର୍ଷ 2008 ରୁ ନେଇ ଏ ପର୍ଯ୍ୟନ୍ତର ସବୁଠାରୁ ଅଧିକ ପରିମାଣ ଅଟେ। ସାରା ଦେଶରେ ଏହାଦ୍ବାରା 8,25,752 ନୂଆ ରୋଜଗାର ସୃଷ୍ଟି ହୋଇଛି ଯାହା ପିଏମଇଜିପି ଅନ୍ତର୍ଗତ ଏପର୍ଯ୍ୟନ୍ତର ସବୁଠାରୁ ଅଧିକ ରୋଜଗାର ଅଟେ।
ଗତ ବର୍ଷ ଅର୍ଥାତ୍ 2020-21 ତୁଳନାରେ ପିଏମଇଜିପି ଅନ୍ତର୍ଗତ ସ୍ଥାପିତ ୟୁନିଟର ସଂଖ୍ୟା ଏବଂ ସୃଷ୍ଟି ହୋଇଥିବା ରୋଜଗାର ସଂଖ୍ୟାରେ ପ୍ରତ୍ୟେକରେ 39 ପ୍ରତିଶତ ଲେଖାଏଁ ବୃଦ୍ଧି ହୋଇଛି ଯେତେବେଳେ କି ମାର୍ଜିନ୍ ମନି ବିତରଣ (ସବ୍ସିଡି) ରେ ମଧ୍ୟ ଆର୍ଥିକ ବର୍ଷ 2021-22 ରେ 36 ପ୍ରତିଶତର ବୃଦ୍ଧି ଦେଖା ଯାଇଛି।
ବ୍ୟାପକ ପରିପ୍ରେକ୍ଷୀରେ ବର୍ଷ 2014-15 ରୁ ପିଏମଇଜିପି ଅନ୍ତର୍ଗତ ସ୍ଥାପିତ ୟୁନିଟର ସଂଖ୍ୟାରେ ମଧ୍ୟ 114 ପ୍ରତିଶତର ବୃଦ୍ଧି ହୋଇଛି ଯେତେବେଳେ କି ରୋଜଗାର ସୃଷ୍ଟି 131 ପ୍ରତିଶତ ବୃଦ୍ଧି ହୋଇଛି। ବର୍ଷ 2021-22 ରେ ମାର୍ଜିନ ମନି ବିତରଣରେ 165 ପ୍ରତିଶତର ବୃଦ୍ଧି ଦେଖା ଯାଇଛି।
କେଭିଆଇସି ର ଅଧ୍ୟକ୍ଷ ଶ୍ରୀ ବିନୟ କୁମାର ସକ୍ସେନା ରୋଜଗାର ସୃଷ୍ଟି ରେ ହୋଇଥିବା ଏହି ଉଲ୍ଲେଖନୀୟ ବୃଦ୍ଧିର ଶ୍ରେୟ ଆତ୍ମନିର୍ଭରତା ହାସଲ କରିବା ପାଇଁ ପ୍ରଧାନମନ୍ତ୍ରୀଙ୍କ ପ୍ରୋତ୍ସାହନକୁ ପ୍ରଦାନ କରିଛନ୍ତି। ଏହି ବଡ଼ ପ୍ରୋତ୍ସାହନଟି ଚମତ୍କାର କରିଛି। କୋଭିଡ୍ -19 ମହାମାରୀକୁ ଧ୍ୟାନରେ ରଖି ସ୍ଥାନୀୟ ବିନିର୍ମାଣ ଏବଂ ସ୍ବରୋଜଗାର ପାଇଁ ଏହା ଏକ ବଡ଼ ପ୍ରୋତ୍ସାହନ ଅଟେ। ପିଏମଇଜିପି ଅନ୍ତର୍ଗତ ଅଧିକ ସଂଖ୍ୟାରେ ଯୁବକ, ମହିଳା ଏବଂ ପ୍ରବାସୀ ମାନଙ୍କୁ ସ୍ବରୋଜଗାର କାର୍ଯ୍ୟ ଗ୍ରହଣ କରିବା ପାଇଁ ମଧ୍ୟ ପ୍ରୋତ୍ସାହିତ କରାଯାଇଛି। ଏହା ବ୍ୟତୀତ ଏମଏସଏମଇ ମନ୍ତ୍ରଣାଳୟ ଏବଂ କେଭିଆଇସିର ପିଏମଇଜିପି ଅନ୍ତର୍ଗତ ପ୍ରକଳ୍ପର କାର୍ଯ୍ୟକାରୀକୁ ତ୍ବରାନ୍ବିତ କରିବା ପାଇଁ ଅନେକ ନୀତିଗତ ନିଷ୍ପତ୍ତି ମଧ୍ୟ ଏହି ସର୍ବଶ୍ରେଷ୍ଠ ପ୍ରଦର୍ଶନକୁ ହାସଲ କରିବାରେ ସହାୟତା ପ୍ରଦାନ କରିଛି।
ଗତ କିଛି ବର୍ଷ ମଧ୍ୟରେ କେଭିଆଇସି ପିଏମଇଜିପିକୁ ଉଲ୍ଲେଖନୀୟ ଭାବରେ କାର୍ଯ୍ୟକାରୀ କରିବା ପାଇଁ ଅନେକ ପଦକ୍ଷେପ ଗ୍ରହଣ କରିଛି। ବର୍ଷ 2016 ରେ କେଭିଆଇସି ପିଏମଇଜିପି ପାଇଁ ଅନଲାଇନ୍ ପୋର୍ଟାଲ୍ ପ୍ରସ୍ତୁତ କରିଛି। ବର୍ଷ 2016 ପୂର୍ବରୁ ଆବେଦନକୁ ମାନୁଆଲ୍ ଭାବରେ ପ୍ରସ୍ତୁତ କରାଯାଉଥିଲା। ଏହା ମାଧ୍ୟମରେ ପ୍ରତି ବର୍ଷ ହାରାହାରି କେବଳ 70,000 ଆବେଦନ ଗ୍ରହଣ ହେଉଥିଲା। କିନ୍ତୁ ଅନଲାଇନ୍ ପୋର୍ଟାଲ୍ ସ୍ଥାପନ ହେବା ପରେ ପ୍ରତି ବର୍ଷ ହାରାହାରି 4 ଲକ୍ଷ ଆବେଦନ ମିଳୁଛି। ଅନଲାଇନ୍ ପ୍ରଣାଳୀ ମାଧ୍ୟମରେ ଅଧିକ ପାରଦର୍ଶିତା ହାସଲ କରାଯାଇ ପାରିଛି। ପିଏମଇଜିପି ପୋର୍ଟାଲ ଆବେଦକଙ୍କୁ ବିନା କୌଣସି ମନୁଷ୍ୟ ହସ୍ତକ୍ଷେପରେ ନିଜର ଆବେଦନକୁ ଟ୍ରାକ୍ କରିବାରେ ସକ୍ଷମ କରିଛି।
ଆଉ ଏକ ପ୍ରମୁଖ ପଦକ୍ଷେପ ଭାବରେ କେଭିଆଇସି ସମସ୍ତ ପିଏମଇଜିପି ୟୁନିଟର ଜିଓ ଟ୍ୟାଗିଂ ମଧ୍ୟ ଆରମ୍ଭ କରିଦେଇଛି ଯଦ୍ବାରା ଯେକୌଣସି ସମୟରେ ଏହି ୟୁନିଟର ଭୌତିକ ସ୍ଥିତି ଏବଂ ତାହାର ପ୍ରଦର୍ଶନକୁ ଯାଞ୍ଚ କରାଯାଇପାରିବ। ଏ ପର୍ଯ୍ୟନ୍ତ 1 ଲକ୍ଷରୁ ଅଧିକ ପିଏମଇଜିପି ୟୁନିଟର ଜିଓ-ଟ୍ୟାଗିଂ କରାଯାଇସାରିଛି। ଏହାଦ୍ବାରା ଯେକୌଣସି ବ୍ୟକ୍ତି ମୋବାଇଲ୍ ଆପ୍ ର ବ୍ୟବହାର କରି ପିଏମଇଜିପି ୟୁନିଟ ବିଷୟରେ ଜାଣିବାରେ ସକ୍ଷମ ହୋଇପାରିବେ।
ଏହା ବ୍ୟତୀତ, ଏମଏସଏମଇ ମନ୍ତ୍ରଣାଳୟ କେଭିଆଇସି ଦ୍ବାରା ଉପଲବ୍ଧ କରାଯାଇଥିବା ସୂଚନା ଆଧାରରେ ପିଏମଇଜିପି ପ୍ରକଳ୍ପକୁ ମଞ୍ଜୁରି ପ୍ରଦାନ କରିବାରେ ଜିଲ୍ଲା ସ୍ତରୀୟ ଟାସ୍କ ଫୋର୍ସ ସମିତିର ଭୂମିକାକୁ ସମାପ୍ତ କରି ପ୍ରକଳ୍ପକୁ ମଞ୍ଜୁରି ପ୍ରଦାନ ଏବଂ ପ୍ରତ୍ୟକ୍ଷ ଭାବରେ ଅର୍ଥ ପ୍ରଦାନକାରୀ ବ୍ୟାଙ୍କକୁ ପଠାଇବା ପାଇଁ କେଭିଆଇସି ରାଜ୍ୟ ନିର୍ଦ୍ଦେଶକମାନଙ୍କୁ ପ୍ରାଧୀକୃତ କରିଛି।
କେଭିଆଇସି ନିଜର ରାଜ୍ୟ ନିର୍ଦ୍ଦେଶକଙ୍କ ଦ୍ବାରା ଆବେଦନକୁ ଯାଞ୍ଚ ଏବଂ ଫରୱାର୍ଡ଼ କରିବାର ସମୟ ସୀମା 90 ଦିନରୁ ହ୍ରାସ କରି 26 ଦିନ କରିଛି। ଏହା ବ୍ୟତୀତ ବ୍ୟାଙ୍କ ସହିତ ବିଭିନ୍ନ ସ୍ତରରେ ମାସିକ ସମନ୍ବୟ ବୈଠକ ଆରମ୍ଭ କରିଛି, ଯାହାର ପରିଣାମସ୍ବରୂପ ହିତାଧିକାରୀମାନଙ୍କୁ ସଠିକ ସମୟରେ ଋଣ ପ୍ରଦାନ କରାଯାଇପାରିଛି।
