ବାପା ହେଲେ ବରୁଣ
ମୁମ୍ବାଇ: ବଲିଉଡର ମାୟାନଗରୀରେ ପ୍ରତ୍ୟକଦିନ ଅନେକ ଘଟଣା ଚର୍ଚ୍ଚା ପାଲଟେ । ତାହା ଫିଲ୍ମକୁ ନେଇ ହେଉ କିମ୍ବା ସେମାନଙ୍କ ବ୍ୟକ୍ତିଗତ ଜୀବନକୁ ନେଇ । ବଲିଉଡ କଳାକାରମାନେ ନିଜ ବ୍ୟକ୍ତିଗତ ଜୀବନରେ ଘଟୁଥିବା ଘଟଣା ଖୁବ କମ ସମୟରେ ପ୍ରକାଶ କରିଥାନ୍ତି । ହେଲେ ଏମିତି କିଛି ଖବର ଥାଏ ଯାହା ସେମାନଙ୍କ ଫ୍ୟାନ୍ସ ମାନେ ଜାଣିବାକୁ ଅନେଇ ରହିଥାନ୍ତି । ଆଉ ସେହିଭଳି କିଛି ଖବର ଦେଇ ନିଜ ଫ୍ୟାନ୍ସଙ୍କୁ ଚକ୍କିତ କରାଇ ଦେଇଛନ୍ତି ବରୁଣ ଧଓ୍ବନ । ବରୁଣ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ଭିଡିଓ ସେୟାର କରି ନିଜ ପିତା ହେବାର ଖୁସି ପ୍ରକାଶ କରିଛନ୍ତି । ସେହି ଭିଡିଓରେ ସେ ନିଜ କୁକୁର ପପି ସହ ମସ୍ତି କରୁଥିବାର ନଜର ଆସୁଛନ୍ତି । ଫାଦରହୁଡ, ଏପଯ୍ୟନ୍ତ ନିଜ ପୁଅ ପପିର ନାଁ କଣ ଦେବି ନିଣ୍ଣୟ ନେଇପାରୁ ନାହିଁ । ଦୟାକରି ମୋତେ ସାହାଯ୍ୟ କରନ୍ତୁ । ଅନେକ ସମୟରେ ବରୁଣଙ୍କର ପୋଷ୍ଟ ଚର୍ଚ୍ଚାର ବିଷୟ ପାଲଟିଯାଏ । ତାଙ୍କ ଫ୍ୟାନ୍ସମାନେ ତାଙ୍କର ପୋଷ୍ଟକୁ ଖୁବ୍ ମାତ୍ରାରେ ଭଲପାଇବା ବି ଦିଅନ୍ତି । ସେ ୨୪ ଜାନୁଆରୀ୨୦୨୧ରେ ଯେତେବେଳେ ନିଜ ପ୍ରେମିକା ନତାଶା ଦଲାଲଙ୍କୁ ବିବାହ କଲେ ସେତେବେଳେ ବି ଫ୍ୟାନ୍ସ ମାନେ ତାଙ୍କ ପୋଷ୍ଟକୁ ଢେରସାରା ଭଲପାଇବା ଦେଇଥିଲେ । ବରୁଣ ଅଲିବାଗରେ ଥିବା ରିଜୋଟ୍ ଦ ମେନସନ ହାଉସରେ ବିବାହ କରିଥିଲେ । ତା ପରଠୁ ସୋସିଆଲ ମିଡିଆରେ ବରୁଣ କିଛି ନା କିଛି ବ୍ୟକ୍ତିଗତ ଜୀବନର ମୂହୂତ୍ତକୁ ସେୟାର କରନ୍ତି ।
