ବାଣ ଗୋଦାମରେ ନିଆଁ, ଲକ୍ଷାଧିକ ଟଙ୍କାର ସମ୍ପତି ନଷ୍ଟ
ପୁରୀ(ବସନ୍ତ ଦାସ ) : ପୁରୀ ଜିଲ୍ଲା ନିମାପଡ଼ା ବ୍ଲକ୍ ଚାରି ଛକ ନିକଟସ୍ଥ ବ୍ରହ୍ମ କୁଣ୍ଡୀ ଠାରେ ଥିବା ଏକ ବାଣ ଗୋଦାମରେ ଆକସ୍ମିକ ଅଗ୍ନିକାଣ୍ଡ ଘଟି ଲକ୍ଷାଧିକ ଟଙ୍କାର ବାଣ ନଷ୍ଟ ହୋଇଯାଇଥିବା ଜଣାପଡ଼ିଛି । କର୍ମଚାରିମାନେ କାର୍ଯ୍ୟ କରୁ ଥିବା ବେଳେ ଏପରି ଅଭାବନୀୟ ଘଟଣା ଘଟିଛି । ଖବର ପାଇ ନିମାପଡ଼ାରୁ ଅଗ୍ନିସେବା କର୍ମଚାରି ପହଞ୍ଚି ନିଆଁକୁ ଆୟତ କରିଛନ୍ତି । ଏହି ଅଗ୍ନିକାଣ୍ଡରେ ବାଣ ଗୋଦାମ କୋଠା ଘରଟି ସଂପୂଣ୍ଣ ନଷ୍ଟ ହୋଇଯାଇଛି । ନିମାପଡ଼ା ଏସ୍ଡିପିଓ ଦେବାଶିଷ ମିଶ୍ର, ଗୋପ ଥାନା ଅଧିକାରୀ ଉପେନ୍ଦ୍ର ପ୍ରଧାନ, ନୁଆହଟ ଫାଣ୍ଡି ଅଧିକାରୀ ବାବୁଲି ପ୍ରଧାନ ଓ ଚାରିଛକ୍ ଫାଣ୍ଡି ଅଧିକାରି ପ୍ରମୋଦ ସେଠୀ ପ୍ରମୁଖ ପହଞ୍ଚି ଘଟଣା ର ତଦନ୍ତ କରୁଛନ୍ତି ।
