ଋଷିକୁଲ୍ୟା ନଦୀରେ ଭାସିଗଲେ ବୃଦ୍ଧ
ଖଲ୍ଲିକୋଟ : ଗଞ୍ଜାମ ଜିଲ୍ଲା ଛତ୍ରପୁର ଥାନା ଅନ୍ତର୍ଗତ ଗୋବା ଗ୍ରାମ ନିକଟରେ ଥିବା ଋଷିକୁଲ୍ୟା ନଦୀ ସ୍ରୋତରେ ଭାସିଗଲେ ବୃଦ୍ଧ । ବହୁ ସମୟ ହେଲା ଖୋଜୁଛି ଦମକଳ ବାହିନୀ । ହେଲେ ମିଳୁନାହିଁ ପତ୍ତା । ସୂଚନାଯୋଗ୍ୟ ଯେ, ବୁଧବାର ସକାଳ ସମୟରେ ଛତ୍ରପୁର ଥାନା ଅନ୍ତର୍ଗତ ଗୋବା ଗ୍ରାମର ୬୨ ବର୍ଷ ବୟସ୍କ ବୃଦ୍ଧ ଗୋବିନ୍ଦ ଦାସ କୌଣସି କାମରେ ନଦୀ ପାର ହୋଇ ପ୍ରତାପୁର ଗ୍ରାମକୁ ଯାଉଥିଲେ । ଏହି ସମୟରେ ନଦୀର ପ୍ରଖର ସ୍ରୋତରେ ଭାସି ଯାଇଥିଲେ । ଖବର ପାଇ ଛତ୍ରପୁର ଅଗ୍ନିଶମ ବିଭାଗର ଏକ ଟିମ୍ ସହ ଛତ୍ରପୁର ପୋଲିସ ଏବଂ ଗ୍ରାମବାସୀ ଉଦ୍ଧାର କାର୍ଯ୍ୟ ଜାରି ରଖିଥିବା ବେଳେ ବର୍ତ୍ତମାନ ସୁଦ୍ଧା ଗୋବିନ୍ଦଙ୍କ ସନ୍ଧାନ ମିଳିପାରିନାହିଁ |
