ମିସ୍ କଲ୍ ରେ ବୁକ୍ ହେବ ଏଲପିଜି ସିଲଣ୍ଡର….

ନୂଆଦିଲ୍ଲୀ: ରୋଷେଇ ଗ୍ୟାସ ବୁକ୍ କରିବା ଏବେ ଆହୁରି ସହଜ ହେବ । କେବଳ ଗୋଟିଏ କଲ୍ ରେ କରିପାରିବେ ଗ୍ୟାସ ବୁକିଂ । ପୂର୍ବରୁ ଗ୍ରାହକଙ୍କୁ କଷ୍ଟମର କେୟାର ଦ୍ୱାରା ଗ୍ୟାସ ବୁକିଂ କରିବାକୁ ପଡ଼ୁଥିଲା ଫଳରେ ଅନେକ ସମୟ ଧରି ଗ୍ରାହକଙ୍କ କଲ୍ ହୋଲ୍ଡ କରିବାକୁ ପଡୁଥିଲା । କିନ୍ତୁ ବର୍ତ୍ତମାନ ଏମିତି କରିବାକର ଆବଶ୍ୟକ ନାହିଁ । କେବଳ ଗୋଟିଏ  ମିସ୍ କଲ୍ ଦ୍ୱାରା ଗ୍ୟାସ ଆପଣଙ୍କ ଘରେ ପହଞ୍ଚିଯିବ । ବର୍ତ୍ତମାନ ଏହି ସୁବିଧା ଇଣ୍ଡିଆନ୍ ଅଏଲ୍ କର୍ପୋରେସନ(ଆଇଓସି) ଏହାର ଇଣ୍ଡେନ ଗ୍ୟାସ ଗ୍ରାହକମାନଙ୍କୁ ଏହି ସେବା ଯୋଗାଉଛି । ମିସ୍ କଲ ମାଧ୍ୟମରେ ଏଲପିଜି ବୁକିଂ କରିବାର ସୁବିଧା ଆଇଓସି ଦ୍ୱାରା ଚଳିତ ବର୍ଷ ଫେବୃଆରୀରେ ଆରମ୍ଭ ହୋଇଥିଲା । ଆଇଓସି ଏହାର ଏଲପିଜି ଗ୍ରାହକଙ୍କୁ ଏଥିପାଇଁ ଟୁଇଟ୍ ମାଧ୍ୟମରେ ସୂଚନା ଦେଇଛି। ଏହି ଟ୍ୱିଟ୍ ରେ ମିସ୍ କଲ୍ ପାଇଁ ନମ୍ବର ମଧ୍ୟ ଉଲ୍ଲେଖ କରିଛି, ଯାହା ହେଉଛି ୮୪୫୪୯୫୫୫୫୫  । ଆପଣଙ୍କୁ ଆପଣଙ୍କର ପଞ୍ଜୀକୃତ ମୋବାଇଲରୁ ମିସ୍ କଲ କରିବାକୁ ପଡ଼ିବ । ଆଇଓସି ଏହାର ଟ୍ୱିଟ୍ ରେ ଏହା ମଧ୍ୟ କହିଛି ବର୍ତ୍ତମାନ ଓଡ଼ିଶା ଏବଂ କୋଟା ଗ୍ରାହକମାନେ ମଧ୍ୟ ଏହି ନମ୍ବରରେ ମିସ୍ କଲ୍ ଦେଇ ନୂଆ ଗ୍ୟାସ ସଂଯୋଗ ପାଇପାରିବେ।