ପୂର୍ବତନ ମିସ୍ କେରଳ ଅନସୀ କବୀର ଓ ରନର ଅପ୍ ଅଞ୍ଜନା ଶାଜନଙ୍କ ସଡ଼କ ଦୁର୍ଘଟଣାରେ ମୃତ୍ୟୁ
ନୂଆଦିଲ୍ଲୀ : ମିସ୍ କେରଳ ୨୦୧୯ ଏବଂ ଦକ୍ଷିଣ ଭାରତ ୨୦୨୧ର ବିଜେତା ଅନସୀ କବୀର ଏବଂ ରନର ଅପ ଅଞ୍ଜନା ଶାଜନଙ୍କ ସଡ଼କ ଦୁର୍ଘଟଣାରେ ପ୍ରାଣ ହରାଇଛନ୍ତି । ଏକ ଭୟଙ୍କର ସଡ଼କ ଦୁର୍ଘଟଣାରେ ଉଭୟଙ୍କର ମୃତ୍ୟୁ ହୋଇଛି । ଦୁର୍ଘଟଣା ସମୟରେ ଉଭୟ ଏକ କାରରେ ଥିଲେ । ଅନସୀ କବୀର ଏବଂ ଅଞ୍ଜନା ଶାଜନଙ୍କ ଦେହାନ୍ତ ଖବର ପୂରା ଇଣ୍ଡଷ୍ଟ୍ରିକୁ ଚକିତ କରିଦେଇଛି । ସୂଚନା ଅନୁଯାୟୀ, ବାଇକ୍ ଆରୋହୀଙ୍କୁ ବଞ୍ଚାଇବାକୁ ଚେଷ୍ଟା କରୁଥିବାବେଳେ ଉଭୟ ମଡେଲଙ୍କର ମୃତ୍ୟୁ ଘଟିଛି । ଏକ ପ୍ରୋଜେକ୍ଟ ପାଇଁ ଅନସୀ ଏବଂ ଅଞ୍ଜନା ନିଜ ଗାଁ ତିରୁବନନ୍ତପୁରମରୁ କୋଚି ଯାଉଥିଲେ । ଏହି ସମୟରେ ଯେତେବେଳେ ସେମାନଙ୍କ କାର ଭିଟିଲା-ପାଲ୍ରିଭାଟମ୍ ହାଇୱେରେ ଏକ ଦୁଇ ଚକିଆ ଯାନରେ ଯାଉଥିବା ଆରୋହୀଙ୍କୁ ବଞ୍ଚାଇବା ପାଇଁ ଏପରି ଦୁର୍ଘଟଣା ଘଟିଛି । ଏହି ସମୟ ମଧ୍ୟରେ କାରଟି ସଂପୂର୍ଣ୍ଣ ଭାରସାମ୍ୟ ହରାଇଥିଲା, ଯେଉଁଥି ପାଇଁ କାରଟି ସିଧାସଳଖ ଯାଇ ଗଛ ସହିତ ଧକ୍କା ଦେଇଥିଲା । ଏହି ଘଟଣାରେ କାରଟି ସମ୍ପୂର୍ଣ୍ଣ ଭାଙ୍ଗି ଯାଇଛି । ପୋଲିସର ସୂଚନାନୁସାରେ, ଅନସି ଏବଂ ଅଞ୍ଜନାଙ୍କ ସହ କାରରେ ଆଉ ଦୁଇଜଣ ବ୍ୟକ୍ତି ଉପସ୍ଥିତ ଥିଲେ । ଉଭୟ ବ୍ୟକ୍ତି ମଧ୍ୟ ଗୁରୁତର ଆହତ ହୋଇଥିଲେ । ଏହି କାରଣରୁ ଉଭୟଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ଅନସୀ କବୀରଙ୍କ ମୃତ୍ୟୁ ପରେ ତାଙ୍କର ଶେଷ ପୋଷ୍ଟ ସୋସିଆଲ ମିଡିଆରେ ଭାଇରଲ ହେବାରେ ଲାଗିଛି । ନିକଟରେ ସେ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି ଯେଉଁଥିରେ ସେ ସବୁଜ ବନରେ ବୁଲୁଥିବାର ନଜର ଆସିଛନ୍ତି । ଏହି ଭିଡିଓ ସହିତ ଅନସି ଦେଇଥିବା କ୍ୟାପସନ୍ ବର୍ତ୍ତମାନ ଲୋକଙ୍କ ଦୃଷ୍ଟି ଆକର୍ଷଣ କରୁଛି । ଅନସି ଏହି ଭିଡିଓ ସହିତ ଲେଖିଛନ୍ତି, ‘ବର୍ତ୍ତମାନ ଯିବାର ସମୟ ଆସିଯାଇଛି ।
