କରୋନା ଓ ବାତ୍ୟା ପାଇଁ ଭାରତ ମସଲାର ମିଳିତ ଉଦ୍ୟମରେ ଖାଦ୍ୟ ପୁଡିଆ ବଣ୍ଟନ
ଭୁବନେଶ୍ୱର : ବର୍ତ୍ତମାନ କୋରନା ମହାମାରୀର ଦ୍ଵିତୀୟ ଲହର୍ ସମସ୍ତଙ୍କୁ ଅସ୍ତବ୍ୟସ୍ତ କରିଦେଇଛି । ଲକଡାଉନ ଓ ସଟ ଡାଉନ ଯୋଗୁଁ କେହି ପଦାକୁ ବାହାରି ପାରୁଛନ୍ତି ନା କିଛି ରୋଜଗାର ର ପନ୍ଥା ଅଛି । ସେପଟେ ବୋଝ ଉପରେ ନଳିତା ବିଡା ସଦୃଶ ସାମୁଦ୍ରିକ ବାତ୍ୟା ୟାସ୍ କୁ ନେଇ ଜନ ଜୀବନ ଅଧିକ ଭୟଭୀତ ହେବା ସହ ଦୁର୍ଦ୍ଦିନ ଭିତରେ ଅଛନ୍ତି । ସବୁଦିନ ରୋଜଗାର ପାଇଁ ଆସୁଥିବା ଦିନମଜୁରିଆ , ଖଟିଖିଆ ଓ ତାଙ୍କ ପରିବାର ଉପରେ ଘୋର ପ୍ରଭାବ ପଡ଼ିଛି । ଲକ୍ ଡାଉନ୍ ସମୟରେ ଧର୍ମାନୁଷ୍ଠାନ ସମ୍ପୂର୍ଣ୍ଣ ବନ୍ଦ ହେବା ଦ୍ବାରା ସଂପୃକ୍ତ ପୂଜକ ମାନଙ୍କ ଉପରେ ମଧ୍ୟ ଏହାର ପ୍ରଭାବ ପଡ଼ିଛି । ବିଭିନ୍ନ ସାମାଜିକ ଅନୁଷ୍ଠାନ ମଧ୍ୟ ନିଜ ସକ୍ଷମତା ଅନୁଯାୟୀ ସାହାଯ୍ୟ ସହଯୋଗ କରୁଛନ୍ତି ।
ଏଭଳି ଏକ ସମୟରେ ମାସିକ ସମ୍ବାଦ ପତ୍ରିକା “ଦୂରଦର୍ଶୀ ” ତାର ତ୍ରୟୋଦଶ ତମ ସ୍ଵନକ୍ଷତ୍ର ଉତ୍ସବ କୁ ଏକ ନିଆରା ଢଙ୍ଗରେ ପାଳନ କରିବ । କରୋନା ଓ ବାତ୍ୟା ଦ୍ୱାରା ପ୍ରତକ୍ଷ ଓ ପରୋକ୍ଷରେ ପ୍ରଭାବିତଙ୍କୁ ସାହାର୍ଯ୍ୟ ଓ ସହଯୋଗର ହାତ ବଢ଼ାଇ ଏକ ଉତ୍ତର ଦାୟିତ୍ୱ ନିର୍ବାହ କରିବ। ଦୂରଦର୍ଶୀ ପତ୍ରିକା ଏବଂ ଭାରତ ମସଲାର ମିଳିତ ସହଯୋଗ ରେ ବିଭିନ୍ନ ସ୍ଥାନରେ ରନ୍ଧା ଖାଦ୍ୟ ଓ ଶୁଖିଲା ଖାଦ୍ୟ ବଣ୍ଟନର ଏକ ନିଆରା ପ୍ରୟାସ ଆରମ୍ଭ ହୋଇଛି । ଦୂରଦର୍ଶୀ ବାର୍ଷିକ ପତ୍ରିକା ର ସମ୍ପାଦକ ତଥା ବିଜୁ ଜନତା ଦଳର ରାଜ୍ୟ ସମ୍ପାଦକ ଦୁର୍ଗା ସାମନ୍ତରାୟ , ଭାରତ ମସଲା(ଜୟ ଭାରତ ଫାଉଣ୍ଡେସନ)ର ପରିଚାଳନା ନିର୍ଦ୍ଦେଶକ ସୁଶାନ୍ତ ପଣ୍ଡା ଙ୍କ ସହଯୋଗରେ ନୟାପଲ୍ଲୀ, ଖାରବେଳ ନଗର, ଆଇଆରସି ଭିଲେଜ ତଥା ଆଖପାଖ ବହୁ ଅଞ୍ଚଳ ର ବିଭିନ୍ନ ମନ୍ଦିରରେ ଥିବା ପୂଜକ ମାନଙ୍କୁ ଏବଂ ଗରିବ ଲୋକ, କିଛି ବସ୍ତି ବାସିନ୍ଦାଙ୍କୁ ଶୁଖିଲା ଖାଦ୍ୟ ପ୍ୟାକେଟ ସହ ମାସ୍କ , ସାନିଟାଇଜର ସମସ୍ତ ନିୟମ ଏବଂ ସାମାଜିକ ଦୂରତା ରକ୍ଷାକରି ଆଜି ବଣ୍ଟନ କରାଯାଇଅଛି ।
ଆଗାମୀ ଦିନମାନଙ୍କରେ ମଧ୍ୟ ଏହି ଖାଦ୍ୟ ପୁଡିଆ ବଣ୍ଟନ କାର୍ଯ୍ୟକ୍ରମ ବସ୍ତି ଓ ଶ୍ରମିକ ହାଟ ମାନଙ୍କରେ ଚାଲୁ ରହିବ । ଆଜିର ଏହି କାର୍ଯ୍ୟକ୍ରମ ରେ ବରିଷ୍ଠ ସାମ୍ବାଦିକ ପ୍ରଦୋଷ ପଟ୍ଟନାୟକ, ଦୂରଦର୍ଶୀର ବ୍ୟୁରୋ ଚିଫ ପ୍ରସନ୍ନ ବିଷୋୟୀ , ପୂର୍ବତନ କର୍ପୋରେଟର ନିଖିଳ ବଳବନ୍ତରାୟ , ସମାଜସେବୀ ପ୍ରାଣବନ୍ଧୁ ସ୍ବାଇଁ ପ୍ରମୁଖ ଉପସ୍ଥିତ ଥିଲେ । ଆଗାମୀ ଦିନରେ ଏଭଳି କାର୍ଯ୍ୟକ୍ରମ ଦ୍ବାରା କୁ ଅଧିକ ରୁ ଅଧିକ ଲୋକଙ୍କୁ ସାହାଯ୍ୟ କରିବା ପାଇଁ ଅନୁଷ୍ଠାନ ପ୍ରତିଶ୍ରୁତିବଦ୍ଧ । ସମସ୍ତେ ସରକାରଙ୍କ ପ୍ରଦତ୍ତ ନିୟମକୁ ସଠିକ ଅନୁପାଳନ କଲେ ଆମେ ନିଶ୍ଚୟ କରୋନା କୁ ହରlଇ ପୁଣି ଥରେ ଆଗକୁ ବଢିବା ବୋଲି ଉପସ୍ଥିତ ସଦସ୍ୟ ମାନେ ମତପୋଷଣ କରିଛନ୍ତି।
