କଇଁଛ ଧରିବା ହେଲା କାଳ : ଚାଲିଗଲା ୩ ମୁଲ୍ୟବାନ ଜୀବନ
ସୁବର୍ଣ୍ଣପୁର : ସୁବର୍ଣ୍ଣପୁର ଜିଲ୍ଲା ବିନିକା ବ୍ଲକ କୁଇବାହାଲ ପଂଚାୟତ ଆନନ୍ଦପୁର ଗାଁରେ ଅଘଟଣ I କୂଅରେ ପଡି ଗୋଟିଏ ପରିବାରର ତିନିଜଣଙ୍କ ମୃତ୍ୟୁ ହୋଇଛି I ଆଜି ଆନନ୍ଦପୁର ଗାଁର ସାଧୁ କାଲେସେ, ପୁଅ ଆଲୋକ ରଂଜନ କାଲସେ ଓ ଜ୍ବାଇଁ ନବୀନ ମୋଟାରୀ ଗାଁରେ ଥିବା ଏକ ପରିତ୍ୟକ୍ତ କୂଅକୁ କଇଁଛ ମାରିବାକୁ ଯାଇଥିବା ବେଳେ ଶ୍ବାସରୁଦ୍ଧ ହୋଇ ମୃତ୍ୟୁ ବରଣ କରିଥିବା ଜଣା ପଡିଛି I ଏକ କୁଅରେ ଜଣଙ୍କ ମୃତ ଦେହ ଭାସୁ ଥିବା କିଛି ଲୋକ ଦେଖିବାକୁ ପାଇଥିଲେ । ପରେ ଗାଁଲୋକ ଜାଣିବା ପରେ ବିନିକା ଏନେଇ ଅଗ୍ନିଶମ ବାହିନୀକୁ ଖବର ଦେଇଥିଲେ I ଅଗ୍ନିଶମ ବାହିନୀ ଘଟଣାସ୍ଥଳରେ ପହଂଚି ବାପ, ପୁଅ ଓ ଜ୍ବାଇଁଙ୍କ ଶବକୁ କୂଅ ଭିତରୁ ଉଦ୍ଧାର କରିଥିବା ବେଳେ ରାମପୁର ପୋଲିସ ଘଟଣାସ୍ଥଳରେ ପହଂଚି ଅଧିକ ଅନୁସନ୍ଧାନ ଜାରୀ ରଖିଛି I ତେବେ ମୃତକମାନେ କଇଁଛ ଧରିବାକୁ ଯାଇଥିଲେ ନା ଅନ୍ୟ କଣ କାରଣରୁ ମୃତ୍ୟୁ ହୋଇଛି ତାହା ତଦନ୍ତ ପରେ ଜଣା ପଡିବ ବୋଲି ଚର୍ଚ୍ଚା ହେଉଛି । ଏହି ଘଟଣା ପରେ ଗାଁରେ ଶୋକର ଛାୟା ଖେଳି ଯାଇଛି ।
