ଅମାନିଆ ଶ୍ରୀମାନ ଶ୍ରୀମତୀ
ଚଣ୍ଡିଖୋଲ: ଅମାନିଆ ଶ୍ରୀମାନ ଶ୍ରୀମତି । ଲକ୍ଡାଉନ୍ କଟକଣା ଭାଙ୍ଗି ଚାଲିଥିଲା ଲୁଗାପଟା କିଣାକିଣି । ବାହାରୁ ସଟର ପଡ଼ିଥିବା ବେଳେ ଦୋକାନ ଭିତରେ ଚାଲିଥିଲା କିଣାବିକା । ଏଭଳି ଘଟଣା ଦେଖିବାକୁ ମିଳିଛି ଯାଜପୁର ଜିଲ୍ଲା ଜାରକାରେ । ଏଠାରେ ଥିବା ଶ୍ରୀମାନ ଶ୍ରୀମତି ଲୁଗା ଦୋକାନର ବାହାର ପଟୁ ସଟ୍ର ବନ୍ଦ ଥିବା ବେଳେ ଭିତରେ ଲାଗିଥିଲା ଗରାଖଙ୍କ ଭିଡ଼ । ଆଗକୁ ରଜ ଆସୁଥିବା ବେଳେ ଗ୍ରାହକ ମାନେ ବସ୍ତ୍ର କିଣିବା ପାଇଁ ଦୋକାନ ଭିତରେ ଭିଡ଼ ଜମାଇଥିଲେ । ଖବର ପାଇ ଧର୍ମଶାଳା ପୋଲିସ ଘଟଣା ସ୍ଥଳରେ ପହଞ୍ଚି ସଟର ଟେକି ଗ୍ରାହକଙ୍କୁ ବାହାର କରିବା ସହ ମାଜିଷ୍ଟ୍ରେଟଙ୍କ ଉପସ୍ଥିତିରେ ଦୋକାନକୁ ସିଲ କରିଥିଲା । ପୂର୍ବରୁ ମଧ୍ୟ ଜାରକା ବଜାରରେ ଲକଡାଉନ ନିୟମକୁ ଉଲଘଂନ କରି ଜଗନ୍ନାଥ କ୍ଳଥ ଷ୍ଟୋରକୁ ସିଲ କରିଥିଲା ପ୍ରଶାସନ।
