ବିବାହ ମଣ୍ଡପରୁ ବରକୁ ଉଠାଇ ନେଲା ପୋଲିସ, ପରେ କ’ଣ ହେଲା ପୁରା ଘଟଣା ଜାଣନ୍ତୁ….
ୱାଶିଟନ୍ : ବିବାହ ପରି ଏକ ଖୁସିର ମୁହୂର୍ତ୍ତରେ ଯଦି କୌଣସି ଅଘଟଣ ଘଟେ ତେବେ ତାହା ବନ୍ଧୁ ବାନ୍ଧବ ସମସ୍ତଙ୍କ ମନରେ ଆଘାତ ଦେଇଥାଏ । ସେହିପରି ଏକ ଘଟଣା ଇକ୍ୱେଡରରେ ଦେଖିବାକୁ ମିଳିଛି । ଏକ ବିବାହ ସମାରୋହ ଚାଲିଥିବା ବେଳେ ହଠାତ୍ ସେଠାରେ ପୋଲିସ ପହଞ୍ଚି ବରଙ୍କୁ ଉଠାଇ ନେଇଯାଇଥିଲା । ଏହି ଘଟଣାକୁ ଦେଖି ସେଠାରେ ଉପସ୍ଥିତ ସମସ୍ତ ଅତିଥିମାନେ କିଛି ବୁଝି ନପାରି ହତବାକ୍ ହୋଇଯାଇଥିଲେ । ତେବେ ଏହାପରେ କନ୍ୟା ଜଣଙ୍କୁ ନିଜ ଭାବି ପତିଙ୍କୁ ପୋଲିସ କବଳରୁ ମୁକୁଳାଇବା ପାଇଁ ତାଙ୍କ ପଛେପଛେ ଧାଇଁଥିଲେ । ଆମେରିକାର ଇକ୍ୱେଡରର ଦକ୍ଷିଣ ଉପକୂଳରେ ଏହି ଘଟଣାଟି ଘଟିଛି । ପୋଲିସ ବରଙ୍କୁ ଉଠାଇ ଗାଡ଼ିରେ ନେଇ ଯାଉଥିବା ସମୟରେ ଏହାକୁ ସହ୍ୟ କରିନପାରି କନ୍ୟା ଜଣଙ୍କ ସେମାନଙ୍କ ପିଛା କରିବା ସହ ଚିଲ୍ଲାଇଥିଲେ । ତେବେ ସେଠାରେ ଉପସ୍ଥିତି ଅତିଥିମାନେ କନ୍ୟାକୁ ଏଥି ସକାଶେ ବାରଣ କରିଥିଲେ ହେଁ ସେ କାହାର କଥା ମାନି ନଥିଲେ । ସେ ଅନ୍ୟ ଏକ ଗାଡ଼ିରେ ବସି ପୋଲିସ ଗାଡ଼ିକୁ ଫଲୋ କରିଥିଲେ । ତେବେ ଜଣାପଡ଼ିଛି ଯେ, ଯୁବକ ଜଣଙ୍କ ନିଜର ପ୍ରଥମ ପତ୍ନୀଙ୍କ ଠାରୁ ଅଲଗା ହେବା ପରେ ନିଜ ସନ୍ତାନଙ୍କ ଲାଳନପାଳନ ପାଇଁ କୌଣସି ଖର୍ଚ୍ଚ ଦେଇନଥିଲେ । ତେଣୁ ପୋଲିସ ଉକ୍ତ ଯୁବକଙ୍କୁ ପଚରାଉଚରା କରିବାକୁ ଥାନାକୁ ନେଇଯାଇଥିଲା । ଏହି ଭିଡିଓଟି ବର୍ତ୍ତମାନ ସୋସିଆଲ ମିଡ଼ିଆରେ ଭାଇରାଲ୍ ହେବାରେ ଲାଗିଛି ।
