ଦେଓମାଳି ଉପରେ ଆନ୍ଧ୍ର ଆଖି : ବିନା ସୂଚନାରେ କୋରାପୁଟରେ ଆନ୍ଧ୍ର ଅଧିକାରୀ
କୋରାପୁଟ: କୋଟିଆ ପରେ ଏବେ ଆନ୍ଧ୍ରର ନଜର ପଡ଼ିଛି ଦେଓମାଳି ଉପରେ । ଏଥିପାଇଁ ଆନ୍ଧ୍ର ଅଧିକାରୀ କୌଣସି ସୂଚନାବିନା ସଦଳବଳେ କୋଟିଆ ଗସ୍ତ କରିଛନ୍ତି । ବିଜୟନଗରମ ଜିଲ୍ଲାର ସମସ୍ତ ବିଭାଗୀୟ ଅଧିକାରୀ, ପାର୍ବତୀପୁରମ ପିଏ ଆଇଟିଡିଏ, ସାଲୁର ମଣ୍ଡଳର ଅଧିକାରୀମାନେ ଶୁଙ୍କି ଦେଇ କୋଟିଆ ଗସ୍ତ କରିଥିବା ଜଣାଯାଇଛି। ସେମାନେ ଦେଓମାଳି ପରିଦର୍ଶନ କରିବା ପରେ କୋଟିଆର ବିବାଦୀୟ ଗ୍ରାମଗୁଡିକ ପରିଦର୍ଶନ କରିବେ ।
କୋରାପୁଟ ପ୍ରଶାସନକୁ ସୂଚନା ନଦେଇ ଆନ୍ଧ୍ରର ଅଧିକାରୀମାନେ ଦେଓମାଳିରେ ପ୍ରବେଶ କରିଛନ୍ତି । ଆନ୍ଧ୍ର ଅଧିକାରୀଙ୍କ ଗସ୍ତକୁ ଦୃଷ୍ଟିରେ ରଖି କୋରାପୁଟ ଜିଲ୍ଲା ପ୍ରଶାସନ ତତ୍ପର ହୋଇଉଠିଛି । କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରିଛି । ଆନ୍ଧ୍ର ପ୍ରଶାସନର କୌଣସି କାର୍ଯ୍ୟକ୍ରମ କୋଟିଆରେ କରାଇ ଦିଆଯିବ ନାହିଁ କହିଛନ୍ତି କୋରାପୁଟ ଜିଲ୍ଲାପାଳ ଅବଦାଲ ମହମ୍ମଦ ଅଖତର । ନିକଟରେ ଉଭୟ ରାଜ୍ୟର ମୁଖ୍ୟମନ୍ତ୍ରୀଙ୍କ ଆଲୋଚନା ପରେ ଏଭଳି ଗସ୍ତ ଆନ୍ଧ୍ର କାର୍ଯ୍ୟାକଳାପକୁ ନେଇ ସନ୍ଦେହ ସୃଷ୍ଟିକରିଛି ।
