ସଡ଼କ ଦୁର୍ଘଟଣାରେ ଚାଲିଗଲା ଭାଇ-ଭଉଣୀର ଜୀବନ

ଗଞ୍ଜାମ : ଗଞ୍ଜାମ ଜିଲ୍ଲା ୧୬ ନମ୍ବର ଜାତୀୟ ରାଜପଥ ଗଣ୍ଡାପାଲି ନିକଟରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଥିବା ନେଇ ବୁଧବାର ଖବର ମିଳିଛି । ବାଇକକୁ ଟ୍ରକ ଧକ୍କା ଦେବା ଫଳରେ ୨ ଜଣଙ୍କର ମୃତ୍ୟୁ ହୋଇଛି । ମୃତକମାନେ ଭାଇ-ଭଉଣୀ ବୋଲି ଜଣାପଡିଛି । ଭାଇର ବୟସ ୧୦ ଓ ଉଭଣୀର ବୟସ ୭ ବୋଲି ଜଣାପଡ଼ିଛି । ଉକ୍ତ ବାଇକରେ ବାପା,ମାଆ ଓ ୨ ପୁଅ ଝିଅ ଯିବାବେଳେ ଟ୍ରକଟି ବାଇକକୁ ଧକ୍କା ଦେବା ସହ ଚଢିଯିବାରୁ ଭାଇ-ଭଉଣୀଙ୍କ ମୃତ୍ୟୁ ହୋଇଛି । ଦୁର୍ଘଟଣା ପରେ ଘଟଣାସ୍ଥଳରେ ଉତ୍ତେଜନା ସୃଷ୍ଟି ହୋଇଛି । ଟ୍ରକକୁ ଜବତ କରାଯିବା ସହ ଚାଳକକୁ ଅଟକ ରଖାଯାଇଛି ।