ପୁଣି ଦାଦନ ଦୁଖଃ, ଦାଦନ ଖଟିବାକୁ ଯାଇ ନିଖୋଜ ହେଲେ ଶ୍ରମିକ।

ତେଲକୋଇ:୦୭/୦୭/୨୩(ବ୍ରେକିଂ ନ୍ୟୁଜ୍ ଓଡ଼ିଆ) ରିପୋର୍ଟ ସୁଶୀଲ କୁମାର ମହାନ୍ତି,

ପୁଣି ଦାଦନ ଦୁଖଃ, ଦାଦନ ଖଟିବାକୁ ଯାଇ ନିଖୋଜ ହେଲେ ଶ୍ରମିକ।

 ଦାଦନ ଖଟିବାକୁ ଯାଇ ବାପା  ନିଖୋଜ।ଦୁଇ ଛୋଟପିଲା ଆଉ ଶାଶୁ ବୁଢ଼ୀ କୁ ନେଇ ସ୍ବାମୀ ଙ୍କ ଫେରିବା ବାଟକୁ ଅନାଇ ବସିଛି ସ୍ତ୍ରୀ।ଏଭଳି ଘଟଣା ଦେଖିବାକୁ ମିଳିଛି କେନ୍ଦୁଝର ଜିଲ୍ଲା ତେଲକୋଇ ବ୍ଲକ ଶିବନାରାୟଣପୁର ଗୋଡା ପଞ୍ଚାୟତ ବଡକୁମୁଣ୍ଡୁ ଗାଁ ରେ। ବଡକୁମୁଣ୍ଡୁ ଗାଁର ଡିଲେଶ୍ବର ମହାକୁଡ ତାଙ୍କ ସ୍ତ୍ରୀ ମା ଓ ଦୁଇ ଛୋଟ ପିଲା ଙ୍କୁ ନେଇ ବହୁ କଷ୍ଟ ରେ ପରିବାର ଚଳାଇଆସୁଥିଲେ।ଜମିବାଡ଼ି ନଥିବାରୁ ମୂଲମଜୁରୀ କରି ଦୁଖକଷ୍ଟରେ ପରିବାର ପ୍ରତିପୋଷଣ କରୁଥିଲେ।ତେବେ ଗାଁରେ କାମ ନମିଳିବାରୁ ପରିବାର ପ୍ରତିପୋଷଣ ପାଇଁ ଗାଁର ବସନ୍ତ ମହାକୁଡ ଓ ରଞ୍ଜନ ମହାକୁଡ ଙ୍କ ସାଥିରେ ଦଲାଲଙ୍କ ସହିତଦାଦନ ଖଟିବାକୁ କେରଳ ରାଜ୍ୟ ଚାଲି ଯାଇଥିଲେ।ତେବେ ବସନ୍ତ ଓ ରଞ୍ଜନ କେରଳ ରୁ ଫେରି ଆସିଥିଲେ ମଧ୍ୟ ଏକବର୍ଷ ହେବ ଡିଲେଶ୍ବର ଫେରି ନାହାଁନ୍ତି।ଏ ସମ୍ପର୍କରେ ଦଲାଲ ସନ୍ତୋଷ ମହାକୁଡ ଙ୍କୁ ଡିଲେଶ୍ବର ଙ୍କ ସ୍ତ୍ରୀ ପଚାରିବାରୁ ଡିଲେଶ୍ବର କେରଳ ରେ ନିଖୋଜ ହୋଇଯାଇଥିବା ଦଲାଲ କହୁଛି।ଏହାର ସତ୍ୟାସତ୍ୟ ଜାଣିବା ପାଇଁ ଡିଲେଶ୍ବର ମହାକୁଡ ଙ୍କ ସ୍ତ୍ରୀ ସୁକାନ୍ତି ମହାକୁଡ୨୨/୬/୨୨ରେ ତେଲକୋଇ ଥାନାରେ ଅଭିଯୋଗ କରିଥିଲେ ମଧ୍ୟ କୌଣସି ସୁଫଳ ମିଳିପାରିନାହିଁ।