ଏୟାର ଆମ୍ବୁଲାନ୍ସ ଦୁର୍ଘଟଣାଗ୍ରସ୍ତ, ୨ ପାଇଲଟ୍ଙ୍କ ସମେତ ୪ ମୃତ
ଆବୁଧାବି : ସଂଯୁକ୍ତ ଆରବ ଅମିରାତ(ୟୁଏଇ)ର ରାଜଧାନୀ ଆବୁଧାବିରେ ଏକ ପୋଲିସ ଏୟାର ଆମ୍ବୁଲାନ୍ସ ଦୁର୍ଘଟଣାଗ୍ରସ୍ତ ହୋଇ ୪ ଜଣଙ୍କ ମୃତ୍ୟୁ ଘଟିଛି । ପୋଲିସ ସୂଚନା ମୁତାବକ, ଏହି ଦୁର୍ଘଟଣାରେ ୨ ପାଇଲଟଙ୍କ ସହ ଜଣେ ବେସାମରିକ ଡାକ୍ତର ଓ ଜଣେ ନର୍ସ ପ୍ରାଣ ହରାଇଛନ୍ତି । ସୂଚନା ଅନୁଯାୟୀ, ଆବୁଧାବି ପୋଲିସ ଟ୍ୱିଟ କରି କହିଛନ୍ତି ଯେ, ପାଇଲଟ ପ୍ରଶିକ୍ଷକ ଖାମିସ ସଇଦ ଅଲ-ହୋଲି, ଲେଫ୍ଟନାଣ୍ଟ ପାଇଲଟ ନାସିର ମହମ୍ମଦ ଅଲ-ରସିଦିଙ୍କ ସହ ଡ. ଶାହିଦ ଫାରୁକ ଗୁଲାମ ଓ ନର୍ସ ଜୋଏଲ କ୍ୟୁ ସକାରା ମିଣ୍ଟୋଙ୍କ ମୃତ୍ୟୁ ଘଟିଛି । ନିଜ ଡାକ୍ତରୀ ଦଳର ଚାରିଜଣ ସଦସ୍ୟଙ୍କ ମୃତ୍ୟୁରେ ଆବୁଧାବି ପୋଲିସ ମୁଖ୍ୟାଳୟ ଶୋକ ପ୍ରକାଶ କରିଛି । ପୋଲିସ କହିଛି ଯେ ଡ୍ୟୁଟି ସମୟରେ ଏକ ଏୟାର ଆମ୍ବୁଲାନ୍ସ ଦୁର୍ଘଟଣାଗ୍ରସ୍ତ ହୋଇଥିଲା । ଏଥିରେ ପ୍ରାଣ ହରାଇଥିବା ଦୁଇ ପାଇଲଟଙ୍କୁ ୟୁଏଇ ନାଗରିକ ବୋଲି ଚିହ୍ନଟ କରାଯାଇଛି । ତେବେ ଡ. ଗୁଲାମ ଓ ନର୍ସ ମିଣ୍ଟୋଙ୍କ ନାଗରିକତ୍ୱ ସମ୍ପର୍କରେ କୌଣସି ସୂଚନା ମିଳିପାରି ନାହିଁ ।
