ନଈ ଭିତରକୁ ଖସି ପଡିଲା ସ୍କୁଲବସ୍ : ବସରେ ଥିଲେ ୩୮ ଛାତ୍ରଛାତ୍ରୀ
ବେଗୁସରାୟ : ବିହାର ବେଗୁସରାୟ ଜିଲ୍ଲାରେ ଶୁକ୍ରବାର ଦିନ ସକାଳେ ୩୮ ଛାତ୍ରଙ୍କୁ ନେଇ ଯାଉଥିବା ଏକ ସ୍କୁଲ ବସ ନଈ ଭିତରକୁ ଖସି ପଡିଛି। ପୋଲିସ କହିଛି ଯେ ସମସ୍ତ ଛାତ୍ରଙ୍କୁ ଉଦ୍ଧାର କରାଯାଇଛି। ଡୁସରଘଟାନ ସକାଳ ୮ଟା ସମୟରେ ପୋଖରିୟା ଗାଁ ନିକଟରେ ହୋଇଥିଲା। ଜିଲ୍ଲା ପ୍ରଶାସନ କ୍ରେନ ସାହାଯ୍ୟରେ ବସକୁ ବାହାର କରିଛି। ବସ ୩୧ ନମ୍ବର ଜାତୀୟ ରାଜପଥ ସ୍ଥିତ ଗୁରୁକୁଳ ପବ୍ଲିକ ସ୍କୁଲ, ବଲିୟାର। ପ୍ରତ୍ୟକ୍ଷଦର୍ଶୀ କହିଛନ୍ତି, ବସର ସ୍ପିଡ଼ ଅଧିକ ଥିଲା। ପୋଖରିୟା ଗାଁ ନିକଟରେ ବସ ଚାଳକ ନିୟନ୍ତ୍ରଣ ହରାଇ ଦେବାରୁ ବସ ନଈକୁ ଓଲଟି ପଡିଥିଲା ।
ଏଠାରେ ଏକ ବଡ ଖାଲ ଥିଲା। ଘୁର୍ଣ୍ଣିଝଡ ଗୁଲାବ ଯୋଗୁଁ ପ୍ରବଳ ବର୍ଷା ହେବାରୁ ଖାଲରେ ପାଣି ଭର୍ତ୍ତି ହୋଇଯାଇଥିଲା। ଗ୍ରାମବାସୀ କହିଛନ୍ତି ଯେ ବସ ସମ୍ପୂର୍ଣ୍ଣ ପାଣିରେ ବୁଡି ଯାଇଥିଲା। ଯଦି ସ୍ଥାନୀୟ ଗ୍ରାମବାସୀ ଭିତରକୁ ଯାଇ ପିଲାଙ୍କୁ ଉଦ୍ଧାର କରିନଥାନ୍ତେ ତାହେଲେ ଏହା ବଡ ଦୁର୍ଘଟଣା ପ୍ରମାଣିତ ହୋଇଥାନ୍ତା। ବାଲିଆ ଥାନା ଉପନିରୀକ୍ଷକ ଏସଡି ସିଂହ କହିଛନ୍ତି ବସ ସମ୍ପୂର୍ଣ୍ଣ ପାଣିରେ ବୁଡିବା ପୂର୍ବରୁ ସବୁ ପିଲାଙ୍କୁ ବସରୁ ଉଦ୍ଧାର କରାଯାଇଛି। ୪ଜଣ ୧୫ ବର୍ଷର ଛାତ୍ର। ସେମାନେ ସାମାନ୍ୟ ଆହତ ହୋଇଛନ୍ତି। ସେମାନଙ୍କର ପ୍ରାଥମିକ ଉପଚାର କରାଯାଇଛି। ସ୍ଥାନୀୟ ଗ୍ରାମବାସୀ ଉଦ୍ଧାରକାର୍ଯ୍ୟରେ ମହତ୍ତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି ବୋଲି ସେ କହିଛନ୍ତି। ସ୍ପିଡ଼ରେ ଗାଡି ଚଲାଇବା ଅଭିଯୋଗରେ ପୋଲିସ ବସ ଚାଳକ ବିରୋଧରେ ମାମଲା ରୁଜ୍ଜୁ କରିଛି। ଚାଳକକୁ ଶୀଘ୍ର ଗିରଫ କରାଯିବ ବୋଲି ପୋଲିସ କହିଛି।
