ସୁପର ସ୍ପେଶିଆଲିଟି ହସ୍ପିଟାଲ ଲୋକାର୍ପିତ କରିବେ ରାଷ୍ଟ୍ରପତି
ରାଉରକେଲା : ଆସନ୍ତା ୨୧ ତାରିଖରେ ମହାମହିମ ରାଷ୍ଟ୍ରପତି ରାମନାଥ କୋବିନ୍ଦ ୨ ଦିବସୀୟ ଓଡ଼ିଶା ଗସ୍ତରେ ଆସୁଛନ୍ତି । ଏହି ଗସ୍ତକାଳରେ ସେ ରାଉରକେଲା ଇସ୍ପାତ ଜେନେରାଲ ହସପିଟାଲରେ ଥିବା ସୁପରସ୍ପେଶିଆଲିଟି ହସପିଟାଲକୁ ଲୋକାର୍ପିତ କରିବାର କାର୍ଯ୍ୟକ୍ରମ ରହିଛି । ଏ ନେଇ ଆଜି ବିଜେପି ପ୍ରତିନିଧିମଣ୍ଡଳୀ ହସପିଟାଲ ପରିଦର୍ଶନ କରିବାସହ ଅନ୍ୟ ପ୍ରକଳ୍ପ ଅଧିକାରୀମାନଙ୍କ ସହ ଆଲୋଚନା କରିଛନ୍ତି ।
ଜିଲ୍ଲାର ସାଂସଦ ଜୁଏଲ ଓରାମ, ବିରମିତ୍ରପୁର ବିଧାୟକ ଶଙ୍କର ଓରାମ, ସୁଦର୍ଶନ ଗୋୟଲ, ବିଜେପି ପ୍ରବକ୍ତା ଧୀରେନ ସେନାପତି, ଟଙ୍କଧର ତ୍ରିପାଠୀ, ପାର୍ଥସାରଥୀ ସାମଲ ପ୍ରମୁଖ ଉପସ୍ଥିତ ଥିଲେ । ପରେ ଇସ୍ପାତ କାରଖାନା କର୍ତ୍ତୃପକ୍ଷଙ୍କ ସହ ବିଭିନ୍ନ ବିଷୟରେ ଆଲୋଚନା କରଯାଇଥିଲା ।
