ପୋଲିସ ଓ ଫାୟାର ପାଇଁ ଗୋଟିଏ ନମ୍ବର ୧୧୨
ଭୁବନେଶ୍ୱର: ଗୋଟିଏ ନମ୍ବରରେ ମିଳିବ ସବୁ ସେବା । ନମ୍ବର ମନେ ରଖିବା ଚିନ୍ତାରୁ ମିଳିବ ମୁକ୍ତି । ୧୧୨ ଡାଏଲ୍ କଲେ ଗୋଟିଏ ନମ୍ବରରେ ପୋଲିସ ଓ ଅଗ୍ନିଶମ ସେବା ମିଳିବ । ଏଣିକି ଅଗ୍ନିଶମ ସେବା ପାଇଁ ୧୦୧ ପରିବର୍ତ୍ତେ ୧୧୨କୁ କଲ୍ କରି ଜରୁରୀକାଳୀନ ପରିସ୍ଥିତିରେ ଲୋକେ ସେବା ପାଇ ପାରିବେ । ବିଶେଷକରି ଏହାଦ୍ୱାରା ମହିଳା ଏବଂ ବୃଦ୍ଧ ଉପକୃତ ହେବ । ୧୧୨ ନମ୍ବର ଦ୍ୱାରା ଜରୁରୀ ସମୟରେ ଶୀଘ୍ର ସେବା ମିଳି ପାରିବ । ସେହିଭଳି ପୂର୍ବରୁ ପୋଲିସ ପାଇଁ ୧୦୦କୁ ଡାଏଲ୍ କରାଯାଉଥିବା ବେଳେ ୧୧୨ରେ ବି ପୋଲିସକୁ କଲ୍ କରି ହେବ । ୧୧୨ ନମ୍ବରଟି ସମ୍ପୂର୍ଣ୍ଣ ଦେୟମୁକ୍ତ ।
