ମାଆ ସମଲେଶ୍ୱରୀଙ୍କ ନିକଟରେ ଲାଗି ହେଲା ନବାନ୍ନ
ସମ୍ୱଲପୁର: ମାଆ ସମଲେଶ୍ୱରୀଙ୍କ ନିକଟରେ ଲାଗି ହେଲା ନବାନ୍ନ । ନିର୍ଦ୍ଧାରିତ ଲଗ୍ନ ଅନୁସାରେ ମା’ ସମଲେଶ୍ୱରୀଙ୍କ ନିକଟରେ ନବାନ୍ନ ଲାଗି ହେବା ପରେ ୧୧୫ ପାର୍ଶ୍ୱ ଦେବାଦେବୀଙ୍କ ନିକଟରେ ନବାନ୍ନ ଲାଗି କରାଯାଇଥିଲା । ସମଲେଶ୍ୱରୀଙ୍କ ମନ୍ଦିରର ମୁଖ୍ୟ ପୂଜକ ଅମ୍ବିକା ପ୍ରସାଦ ରାୟଙ୍କ ଘରେ ନୂଆ ଚାଉଳରେ ପ୍ରସ୍ତୁତ ଅନ୍ନ, ପିଠା, ଖିରୀ ଓ ଚୁଡ଼ା ଆସିବା ପରେ ମା’ଙ୍କ ପାଖରେ ଲାଗି ହୋଇଥିଲା । ପରେ ପାର୍ଶ୍ୱ ଦେବଦେବୀ ପାଖରେ ନବାନ୍ନ ଲାଗି ହୋଇଛି । ଘରେ ଘରେ ମଧ୍ୟ ଇଷ୍ଟଦେବୀଙ୍କ ପାଖରେ ନବାନ୍ନ ଲାଗି ହୋଇଛି । ଆଜି ନୂଆ ଖାଇବେ ପୂରା ପଶ୍ଚିମ ଓଡ଼ିଶାବାସୀ । ଏହାପରେ ଜୁହାର ଭେଟ୍ ଓ ସଂଧ୍ୟାରେ ଭେଟଘାଟ୍ ପାଳନ କରାଯିବ । ଚଳିତବର୍ଷ କୋଭିଡ କଟକଣା ପାଇଁ ସବୁଠି ନୂଆଁଖାଇ ଭେଟଘାଟ ବନ୍ଦ ଥିବା ବେଳେ, ପରିବାର ସଦସ୍ୟଙ୍କ ଭେଟଘାଟ ପାଳିବେ । ନୂଆଁଖାଇ ପାଇଁ ପିଠାପଣାରେ ମହକୁଛି ସମଗ୍ର ପଶ୍ଚିମ ଓଡ଼ିଶା ।
