ଘରେ ପଶି ବନ୍ଧୁକ ମୁନରେ ଲୁଟିନେଲେ ଅଢେଇ ଲକ୍ଷ ଟଙ୍କା ସହ ସୁନା ଗହଣା
ଯାଜପୁର: କରୋନା କାଳରରେ ରାଜ୍ୟରେ ବଢ଼ି ଚାଲିଛି ଅପରାଧ। ଛିନତାଇ ଠାରୁ ଆରମ୍ଭ କରି ମର୍ଡର ଲୁଟ ରାଜ୍ୟରେ ହଇଚଇ ସୃଷ୍ଟି କରିଛି। ପୋଲିସ୍କୁ ଟାର୍ଗେଟ ଦେଉଛନ୍ତି ଦୁର୍ବୃତ୍ତ। ଘରେ ପଶି ବନ୍ଧୁକ ଭୁଜାଲି ଦେଖାଇ ଅଢେଇ ଲକ୍ଷ ଟଙ୍କା ସହ ସୁନା ଗହଣା ଲୁଟିନେଲେ ଡକାୟତ। ଏଭଳି ଘଟଣା ଘଟିଛି ଯାଜପୁର ଜିଲ୍ଲା ବରୀ ବ୍ଲକ ଅନ୍ତର୍ଗତ ସେରପୁର ପଞ୍ଚାୟତର କୃଷ୍ଣ ନଗର ଗ୍ରାମରେ। ଗାଁର କାଞ୍ଚବାଳା ଶୁକ୍ଲଙ୍କ ଘରେ ବିଳମ୍ବିତ ରାତିରେ ଚାରି ରୁ ପାଞ୍ଚ ଜଣ ଡକାୟତ ଘରେ ପଶି ନଗଦ ଅଢେଇ ଲକ୍ଷ ଟଙ୍କା ନେବା ସହ ଘରେ ଥିବା ସୁନା ଗହଣ କୁ ମଧ୍ୟ ନେଇଯାଇଥିବା ରାମଚନ୍ଦ୍ରପୁର ଥାନାରେ ଅଭିଯୋଗ କରିଛନ୍ତି ପରିବାର ଲୋକେ । କେବଳ ସୁନା ଗହଣା ନୁହେଁ ଘର ଦୁଆରେ ଲାଗିଥିବା ସିସିଟିଭିର ହାର୍ଡ ଡିକ୍ସ ମଧ୍ୟ ନେଇଯାଇଛନ୍ତି । ଖବର ପାଇ ଥାନା ଅଧିକାରୀ ଘଟଣା ସ୍ଥଳରେ ପହଞ୍ଚି ସାଇଣ୍ଟିଫିକ ଟିମ ସହାୟତାରେ ତଦନ୍ତ ଆରମ୍ଭ କରିଛନ୍ତି ।
