ଟିକାକରଣରେ ସାମିଲ ହେଲେ ଡଙ୍ଗରିଆ କନ୍ଧ
ଭୁବନେଶ୍ୱର : ରାଜ୍ୟସରକାରଙ୍କ ଟିକାକରଣରେ ସାମିଲ ହେଲେ ଡଙ୍ଗରିଆ କନ୍ଧ । ପୂର୍ବରୁ କୋଭିଡ ଟେଷ୍ଟ ହେଉ କି ଟିକାକରଣ ସବୁଥିରେ ଅରାଜି ହେଉଥିଲେ । ସହଯୋଗ କରୁନଥିଲେ । ହେଲେ ଏବେ ରାଜ୍ୟ ସରକାରଙ୍କ ପକ୍ଷରୁ ସମସ୍ତ ସଚେତନତା କାର୍ଯ୍ୟକ୍ରମ ହାତକୁ ନିଆଯିବା ପରେ ଟିକା ନେଇଛନ୍ତି ଡ଼ଙ୍ଗରିଆ । ୧୦୦ରୁ ଅଧିକ ଡ଼ଙ୍ଗରିଆ କନ୍ଧ ଟିକା ନେଇଛନ୍ତି । ଯୋଜନା ବୋର୍ଡ ଉପାଧ୍ୟକ୍ଷ ସଂଜୟ ଦାସ ବର୍ମା ରାୟଗଡା ଗସ୍ତ କରି ଖବେଂଶିଠାରେ ଟିକାକରଣ କାର୍ଯ୍ୟକ୍ରମର ଶୁଭାରମ୍ଭ କରିବା ସହ ସମସ୍ତ ଡ଼ଙ୍ଗରିଆଙ୍କୁ ଟିକା ନେବାକୁ ପରାମର୍ଶ ଦେବା ପରେ ଟିକା ନେଇଛନ୍ତି ଡ଼ଙ୍ଗରିଆ ।
ପୁଟାସିଂ ମଇକ୍ରୋ ପ୍ରଜେକ୍ଟ ଅଞ୍ଚଳରେ ବସବାସ କରୁଥିବା ଆଦିମ ଅଧିବାସୀ ଲାଞ୍ଜିଆ ସଉରା ମାନଙ୍କ ମଧ୍ୟରେ କୋଭିଡ ଟୀକାକରଣ କିପରି ଶତ ପ୍ରତିଶତ ହୋଇ ପାରିବ ସେଥି ପ୍ରତି ଦୃଷ୍ଟି ଦେବାକୁ ଅଧିକାରୀ ମାନଙ୍କୁ ପରାମର୍ଶ ଦେଇଥିଲେ ସଞ୍ଜୟଦାସବର୍ମା । ଟିକା ନେଇଥିବା ସମସ୍ତଙ୍କୁ ମାସ୍କ, ସାନିଟାଇଜର ପ୍ରଦାନ କାରଯାଇଛି । ସେପଟେ ଡ଼ଙ୍ଗରିଆ ଜନଜାତିଙ୍କ ମଧ୍ୟରେ ବହୁ ଉଚ୍ଚଶିକ୍ଷିତ ଅଛନ୍ତି ତେଣୁ, ସେମାନଙ୍କ ନିଯୁକ୍ତି ଦେବାକୁ ପ୍ରକ୍ରିୟା ଆରମ୍ଭ ହେବ ବୋଲି ସେ କହିଛନ୍ତି । ଏହାସହ ସରକାରଙ୍କ କୋଭିଡ ପ୍ୟାକେଜ୍ ଯୋଗାଇ ଦିଆଯିବାକୁ ଡାଟାବେସ୍ ପ୍ରସ୍ତୁତ ହେଉଥିବା କହିଛନ୍ତି ସଞ୍ଜୟ ଦାସବର୍ମା। ଏହି ଗସ୍ତ ବେଳେ ଜିଲ୍ଲାରେ ବିଭିନ୍ନ ଉନ୍ନୟନ କାର୍ଯ୍ୟକ୍ରମ ସମୀକ୍ଷା କରିଛନ୍ତି ସେ ।
