ସନ୍ତୋଷ ଦାସ ପରିବାରକୁ ତହସିଲ ପକ୍ଷରୁ ସହାୟତା
ପୁରୀ (ବସନ୍ତ ଦାସ ): ପୁରୀ ଜିଲ୍ଲା ନିମାପଡ଼ା ବ୍ଲକ୍ ଛାଣି ଜଙ୍ଗ ପଞ୍ଚାୟତ ଜଅଁରା ଗ୍ରାମର ସନ୍ତୋଷ ଦାସ ଗତ ୫ତାରିଖରେ କରୋନାରେ ଆକ୍ରାନ୍ତ ହୋଇ ଗତ ମାସ ୨୭ ତାରିଖରୁ ବାଲିଘାଇ ସ୍ତିତ କୋଭିଡି ହସ୍ପିଟାଲରେ ଚିକିତ୍ସା ହେଉଥିଲେ । ସ୍ୱାସ୍ଥ୍ୟ ଅବସ୍ଥା ଅଧିକ ଖରାପ ହେବାରୁ ତାଙ୍କୁ ଜୁନ ମାସ ୪ ତାରିଖରେ ସମ ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା ମାତ୍ର ସେଠାରେ ତାଙ୍କର ମୃତ୍ୟୁ ଘଟିଥିଲା । ସେ ୱେବ୍ଚାନେଲରେ କାମ କରୁ ଥିଲେ । ତାଙ୍କ ମୃତ୍ୟୁରେ ବିଭିନ୍ନ ସଙ୍ଗଠନ ଓ ପ୍ରେସ କ୍ଲବ ପକ୍ଷରୁ ଶୋକସଭା ମଧ୍ୟ କରାଯାଇଥିଲା । ଆଜି ନିମାପଡ଼ା ଅତିରିକ୍ତ ତହସିଲଦାର ନିଶା ଗୋୟେଙ୍କାଙ୍କ ନିର୍ଦ୍ଦେଶ କ୍ରମେ ବ୍ରହ୍ମ କୁଣ୍ଡି ରାଜସ୍ୱ ନିରୀକ୍ଷକ ସୁରେନ୍ଦ୍ର ସାହୁ ଜଅଁରା ଗ୍ରାମରେ ପହଞ୍ଚି ତାଙ୍କ ପରିବାରକୁ ରେଡକ୍ରସ ପାଣ୍ଠିରୁ ଦ୧୦ହଜାର ୫୦୦ଟଙ୍କ।।ର ଏକ ଚେକ୍ ପ୍ରଦାନ କରିଛନ୍ତି ।
