ଡ୍ରାଇଭ ଇନ୍ ଓ ଘରେ ଯାଇ ଟିକାକରଣକୁ ମନା କଲେ ସରକାର
ଭୁବନେଶ୍ୱର : ଡ୍ରାଇଭ ଇନ୍ ଓ ଘରେ ପହଞ୍ଚି ଟିକାକରଣକୁ ଆଜି ମନା କରିଛନ୍ତି ସରକାର । ଏ ନେଇ ସବୁ ଜିଲ୍ଲାପାଳ ଓ ମ୍ୟୁନିସିପାଲ କମିସନରଙ୍କୁ ଚିଠି ଲେଖିଛନ୍ତି ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ କୁମାର ମହାପାତ୍ର । ଏସିଏସ ପ୍ରଦୀପ୍ତ କୁମାର ମହାପାତ୍ର ଲେଖିଥିବା ଚିଠିରେ ଉଲ୍ଲେଖ କରିଛନ୍ତି ଯେ, ଭାରତ ସରକାରଙ୍କ ଗାଇଡଲାଇନରେ ଏପରି ବ୍ୟବସ୍ଥା ନାହିଁ । ୱେଟିଂ ଅଞ୍ଚଳ ଓ ପର୍ଯ୍ୟବେକ୍ଷଣ ଗୃହ ଥିବା ସ୍ଥାନରେ ଟିକା ଦେବା ନିୟମ ରହିଛି । ଟିକା ନେବା ପରେ ୩୦ ମିନିଟ ଅବଜରଭେସନର ନିୟମ ରହିଛି । ଡ୍ରାଇଭ ଇନ୍ ଓ ଡୋର ଷ୍ଟେପରେ ଏସବୁ ପାଳନ ସମ୍ଭବ ନୁହେଁ । ଏସବୁ ଦ୍ୱାରା ଅଧିକ ମାତ୍ରାରେ ଟିକା ଅପଚୟ ହେବାର ସମ୍ଭାବନା ରହିଛି ବୋଲି ଏସିଏସ ପ୍ରଦୀପ୍ତ କୁମାର ମହାପାତ୍ର କହିଛନ୍ତି ।
