ମା’ ହେଲେ ସପ୍ତମ ଶ୍ରେଣୀର ଛାତ୍ରୀ….
ପଶ୍ଚିମବଙ୍ଗ : ପଶ୍ଚିମବଙ୍ଗର ନାଦିଆ ଜିଲ୍ଲାରୁ ଏକ ଲଜ୍ଜାଜନକ ଘଟଣା ସାମ୍ନାକୁ ଆସିଛି । ଏଠାରେ ଜଣେ ୧୩ ବର୍ଷର ନିରୀହ ଝିଅ ଏକ ପିଲାକୁ ଜନ୍ମ ଦେଇଛି । କୁହାଯାଉଛି ଯେ ସପ୍ତମ ଶ୍ରେଣୀରେ ପଢୁଥିବା ଜଣେ ବାଳକ ନିରୀହ ଝିଅଟିକୁ ବଳାତ୍କାର କରିଥିଲା ଓ ଯାହାଫଳରେ ପରେ ସେ ଗର୍ଭବତୀ ହୋଇଥିଲେ । ଯେତେବେଳେ ଏହି ଘଟଣା ସାମ୍ନାକୁ ଆସିଲା ସେତେବେଳେ ପୀଡିତାଙ୍କ ମା’ ଧନ୍ତଲା ପୋଲିସ ଷ୍ଟେସନରେ ଅଭିଯୋଗ କରିଥିଲେ ଓ ପୋଲିସକୁ କହିଥିଲେ ଯେ ସପ୍ତମ ଶ୍ରେଣୀରେ ପଢ଼ୁଥିବା ଥିବା ତାଙ୍କ ଝିଅଙ୍କୁ ତାଙ୍କ ସହପାଠୀ ଶାରୀରିକ ନିର୍ଯାତନା ଦେଇଛନ୍ତି ଓ ସେହି ଫଟୋଗୁଡ଼ିକୁ ମୋବାଇଲ୍ ଫୋନରେ ସେଭ୍ କରି ତାଙ୍କୁ ବ୍ଲାକମେଲ କରୁଛନ୍ତି । ଏହା ପରେ ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରି ଅଭିଯୁକ୍ତକୁ ଖୋଜିବା ଆରମ୍ଭ କରିଥିଲା ଓ ଯେଉଁଥିରେ ଜଣାପଡିଛି ଯେ ନାବାଳକ ଅଭିଯୁକ୍ତ ତାଙ୍କ ପରିବାର ସହିତ ବାଂଲାଦେଶକୁ ପଳାଇ ଯାଇଛି। ସେଠାରେ ତାଙ୍କ ଜେଜେବାପା ରୁହନ୍ତି । ନାବାଳିକାଙ୍କ ପରିବାର ସଦସ୍ୟ ଅଭିଯୋଗ କରିଛନ୍ତି ଯେ ଦତ୍ତପୁଲିଆ ଗ୍ରାମ ପଞ୍ଚାୟତର ଜଣେ ବିଜେପି ସଦସ୍ୟାର ଭାଉଜ ଅଭିଯୁକ୍ତ ଛାତ୍ର ଓ ତାଙ୍କ ପରିବାରକୁ ବାଂଲାଦେଶକୁ ପଳାଇଯିବାରେ ସାହାଯ୍ୟ କରିଛନ୍ତି । ଅନ୍ୟପକ୍ଷରେ ବିଜେପି ପଞ୍ଚାୟତରାଜ ସଦସ୍ୟର ଦିଅର ଦାବି କରିଛନ୍ତି ଯେ ବଦନାମ କରିବା ପାଇଁ ଷଡ଼ଯନ୍ତ୍ର ହୋଇଛି । ସେ କହିଛନ୍ତି ଯେ ବଳାତ୍କାର ପୀଡିତାଙ୍କ ମା’ଙ୍କ ଅଭିଯୋଗ ଭିତ୍ତିହୀନ । ପୀଡିତାଙ୍କ ପରିବାରକୁ ସାହାଯ୍ୟ କରିବାକୁ ମୁଁ ଚେଷ୍ଟା କରୁଛି । ଏଥି ସହ ତୃଣମୂଳ କଂଗ୍ରେସ ନେତା ତଥା ପୂର୍ବତନ ବିଧାୟକ ସମୀର କୁମାର ପୋଦ୍ଦାର କହିଛନ୍ତି ଯେ ଏହି ଘଟଣା ଅତ୍ୟନ୍ତ ଦୁଃଖଦାୟକ । ଅଭିଯୁକ୍ତ ପରିବାର ବିଧାନସଭା ନିର୍ବାଚନରେ ବିଜେପି ପାଇଁ କାମ କରିଛନ୍ତି ବୋଲି କୁହାଯାଉଛି ।
