ଆଳୁ କଳାବଜାରୀକୁ ନେଇ ଆଶଙ୍କା : କାଲିଠାରୁ କମିପରେ ଆଳୁ ଦର!
ଆଳୁ କଳାବଜାରୀକୁ ନେଇ ଆଶଙ୍କା : କାଲିଠାରୁ କମିପରେ ଆଳୁ ଦର!
କାମାକ୍ଷାନଗର:୦୭-୦୮-୨୦୨୪-(ବି.ଏନ୍.ଓ ):– ଢେ଼ଙ୍କାନାଳ ଜିଲ୍ଲା କାମାକ୍ଷାନଗରରେ ଆଳୁ ସଂକଟକୁ ନେଇ ଚିନ୍ତାରେ ପ୍ରଶାସନ l ସାରା ରାଜ୍ୟରେ ଏବେ ଆଳୁସଙ୍କଟ ଦେଖାଯାଇଥିବା ବେଳେ ଆଳୁ ଅଭାବରୁ କଳାବଜାରୀ ହେବାର ଆଶଙ୍କାକୁ ନେଇ ଚିନ୍ତିତ ଯୋଗାଣ ବିଭାଗ l ଏହି ଆଶଙ୍କାକୁ ନେଇ କାମାକ୍ଷାନଗର ସହରର ବିଭିନ୍ନ ଆଳୁ ଗୋଦାମ ଉପରେ ଚଢ଼ାଉ କରିଛନ୍ତି ଉପଜିଲ୍ଲାପାଳ ନାରାୟଣ ଚନ୍ଦ୍ର ନାୟକଙ୍କ ସହିତ ସହକାରୀ ବେସାମରିକ ଯୋଗାଣ ଅଧିକାରୀ ତାରିଣୀ ପ୍ରସାଦ ମିଶ୍ର l ବଜାରରେ ଆଳୁ କେଜି ପ୍ରତି 50 ରୁ 60 ଟଙ୍କା ବିକ୍ରି ହେଉଥିବା ଖବର ପାଇ ଏହି ଚଢ଼ାଉ କରାଯାଇଥିଲା l ତେବେ କୌଣସି ଗୋଦାମରେ ଅଧିକ ଆଳୁ ମହଜୁଦ ନାହିଁ, ତେଣୁ କଳାବଜାରୀ ର ଆଶଙ୍କା ନାହିଁ l ଆସନ୍ତାକାଲି ଆବଶ୍ୟକ ପରିମାଣରେ ଉତ୍ତର ପ୍ରଦେଶରୁ ଆସୁଥିବା ଆଳୁ ପହଞ୍ଚିବ ଓ ଆଳୁ ଦର କମିବ ବୋଲି କହିଛନ୍ତି ଯୋଗାଣ ଅଧିକାରୀ l
