ମେଗା ରକ୍ତଦାନ ଶିବିର, ୧୧୧ ୟୁନିଟ ରକ୍ତ ସଂଗୃହୀତ ।
ମେଗା ରକ୍ତଦାନ ଶିବିର, ୧୧୧ ୟୁନିଟ ରକ୍ତ ସଂଗୃହୀତ ।
ପରଜଙ୍ଗ:30.08.23 BREAKING NEWS ODIA (Report by Nirmal gadanayak) ଢେଙ୍କାନାଳ ଜିଲ୍ଲା ପରଜଙ୍ଗ ବ୍ଲକ କନ୍ଦରସିଂହା, ଭଲୁମୁଣ୍ଡା ଛକରେ ଅବସ୍ଥିତ ସରସ୍ବତୀ ଶିଶୁ ବିଦ୍ୟା ମନ୍ଦିର ପରିସରରେ ରକ୍ଷାବନ୍ଧନ ଅବସରରେ ଏକ ମେଗା ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି ।ପରଜଙ୍ଗ ଥାନା ଆଇଆଇସି ପ୍ରଶାନ୍ତ କୁମାର ପାତ୍ର ମୁଖ୍ୟ ଅତିଥି, ଦଦରାଘାଟି ଫାଣ୍ଡି ଅଧିକାରୀ ଶକ୍ତି ପ୍ରସାଦ ସାହୁ ସମ୍ମାନୀତ ଅତିଥି ଭାବେ ଯୋଗ ଦେଇ ସରସ୍ୱତୀଙ୍କ ନିକଟରେ ଧୂପ ଦୀପ ପ୍ରଜ୍ବଳନ କରି ଶିବିରକୁ ଶୁଭ ଉଦଘାଟନ କରିଥିଲେ । ଶିବିରରେ ରକ୍ତଦାନ ସମେତ ଚକ୍ଷୁ ଓ ଅଙ୍ଗଦାନ ଉପରେ ସେଚ୍ଛାକୃତ ମାନଙ୍କ ପାଇଁ ପଞ୍ଜିକରଣ କେନ୍ଦ୍ର ଖୋଲାଯାଇଥିଲା ତାଳଚେର ରକ୍ତଭଣ୍ଡାରର ଡାକ୍ତର ଓ ଟେକ୍ନିସିଆନ୍ ଆସି ରକ୍ତଦାତାଙ୍କ ଠାରୁ ୧୧୧ ୟୁନିଟ ରକ୍ତ ସଂଗୃହୀତ କରିଥିଲେ ।ବିଦ୍ୟାଳୟର ପ୍ରଧାନ ଆଚାର୍ଯ୍ୟ ସୁଶାନ୍ତ କୁମାର ଜେନା , ଅନୁଷ୍ଠାନର ଉଦ୍ୟୋକ୍ତା କ୍ଷୀରୋଦ କୁମାର ସାହୁ,କଳ୍ପତରୁ ବିଶ୍ଵାଳ ଓ ଆମ ଓଡ଼ିଶା ପରିବାର ତଥା ଗଣମାଧ୍ୟମ ପ୍ରତିନିଧି ସୁବଳ ରାଉତ , ସମସ୍ତ ଗୁରୁଜୀ ଗୁରୁମା,ଅବିଭାବକ ଛାତ୍ର ଛାତ୍ରୀ,ଅଞ୍ଚଳର ନେତୃମଣ୍ଡଳୀ ମାନଙ୍କ ପୂର୍ଣ୍ଣ ସହଯୋଗରେ ଶିବିର ପରିଚାଳିତ ହୋଇଥିଲା ।ପରିଶେଷରେ ଅନୁଷ୍ଠାନ ପରିସରରେ ଅତିଥିଙ୍କ ଦ୍ଵାରା ବିଭିନ୍ନ ପ୍ରକାର ଚାରା ରୋପଣ କରାଯାଇଥିବା ବେଳେ ରକ୍ତଦାତାଙ୍କୁ ଅନୁଷ୍ଠାନ ପକ୍ଷରୁ ଫଳଚାରା ପ୍ରଦାନ କରିଥିଲେ ।
