ଅଗ୍ନିକାଣ୍ଡରେ ଜଳିଗଲା ୨ ବଖରା ଘର

ବୌଦ୍ଧ,4th May,(Bnews): ବୌଦ୍ଧ ବ୍ଲକ ଅନ୍ତର୍ଗତ ବଢିଗାଁ ଗାଁରେ ଅଗ୍ନିକାଣ୍ଡ ଘଟି ଜଣଙ୍କର ଦୁଇ ବଖରା ଘର ପୋଡି ଲକ୍ଷାଧିକ ଟଙ୍କାର ସଂପତ୍ତି ନଷ୍ଟ ହୋଇଯାଉଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଗ୍ରାମରେ ଆଜି ପୂର୍ବାହ୍ନରେ ଏକ ବରଯାତ୍ରୀ ପ୍ରସେସନ ଚାଲିଥିଲା । ପ୍ରସେସନ ବେଳେ ବାଣଫୁଟି ବାଣର ନିଆଁରେ ଗ୍ରାମର ମକଧ୍ୱଜ ଜେନାଙ୍କ ୨ ବଖରା ଘର ପୋଡି ଲକ୍ଷାଧିକ ଟଙ୍କାର ସଂପତ୍ତି ପୋଡି ଯାଇଛି । ବୌଦ୍ଧର ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା ।