ଅଧ୍ୟାପିକାଙ୍କ ବିୟୋଗରେ ଅନୁଷ୍ଠାନ ପକ୍ଷରୁ ଶୋକସଭା ।
ଅଧ୍ୟାପିକାଙ୍କ ବିୟୋଗରେ ଅନୁଷ୍ଠାନ ପକ୍ଷରୁ ଶୋକସଭା ।
ପରଜଙ୍ଗ:15.08.23 BREAKING NEWS ODIA (Report by Nirmal gadanayak) ଢେଙ୍କାନାଳ ଜିଲ୍ଲା ପରଜଙ୍ଗ ମହାବିଦ୍ୟାଳୟର ଅଧ୍ୟାପିକାଙ୍କ ବିୟୋଗରେ ଅନୁଷ୍ଠାନରେ ଗଭୀର ଶୋକର ଛାୟା ଖେଳାଇ ଦେଇଛି । ଲଜିକ୍ ବିଭାଗର ଅଧ୍ୟାପିକା ସୁମିତ୍ରା ପଟ୍ଟନାୟକ ଆଜକୁ ପ୍ରାୟ ୪ବର୍ଷ ହେବ କ୍ୟାନସର ରୋଗରେ ପୀଡିତ ଥିବା ବେଳେ ସୋମବାର ଅପରାହ୍ନ ସମୟରେ ଦେହାନ୍ତ ହୋଇଯାଇଛି ।ମୃତ୍ୟୁ ବେଳକୁ ୫୯ ବର୍ଷ ହୋଇଥିବା ବେଳେ ନିଜ କର୍ମମୟ ଜୀବନରୁ ଅବସର ନେବା ପାଇଁ ଆଉ ମାତ୍ର ଏଗାର ମାସ ଷୋହଳ ଦିନ ବାକି ରହିଥିଲା ।ନିଜର ଅସୁସ୍ଥତା ଥାଇ ମଧ୍ୟ ଗତ ଡ଼ିସେମ୍ବର ୨୨ ମସିହା ୧୧ ତାରିଖରେ ୧୯୯୪ ମସିହା ପୁରାତନ ଛାତ୍ର ଛାତ୍ରୀଙ୍କ ଗୁରୁ ଶିଷ୍ୟ ବନ୍ଧୁ ମିଳନରେ ଯୋଗଦେଇ ଥିଲେ ।ତାଙ୍କ ମୃତ୍ୟୁ ଖବର ପାଇବା ମାତ୍ରେ କଲେଜରେ ଶୋକର ଛାୟା ଖେଳାଇ ଦେବା ସହ ଅନୁଷ୍ଠାନର ପୁରାତନ ଛାତ୍ର ଛାତ୍ରୀ ଗଭୀର ଦୁଃଖ ପ୍ରକାଶ କରିଛନ୍ତି ।କାରଣ ସେ ଥିଲେ ଛାତ୍ର ବତ୍ସଳ ,ଅତିନମ୍ର , ମେଳାପି । ତାଙ୍କ ବିୟୋଗରେ କଲେଜର ଅଧ୍ୟକ୍ଷ ଡ ନିହାର ରଞ୍ଜନ ସାହୁଙ୍କ ସଭାପତିତ୍ବରେ ଏକ ଶୋକ ସଭାର ଆୟୋଜନ କରାଯାଇଥିଲା ।ଏଥିରେ ସମସ୍ତ ଅଧ୍ୟାପକ ଅଧ୍ୟାପିକା କର୍ମଚାରୀ ଛାତ୍ର ଛାତ୍ରୀ ଉପସ୍ଥିତ ଥିଲେ ।ତାଙ୍କ ଅମର ଆତ୍ମାର ସଦଗତି ନିମନ୍ତେ ଭକ୍ତିପୂତ ଶ୍ରଦ୍ଧାଞ୍ଜଳୀ ଜଣାଇ ୨ ମିନିଟ ନୀରବ ପ୍ରାର୍ଥନା କରାଯାଇଥିଲା । ପରିଶେଷରେ ଅନୁଷ୍ଠାନକୁ ଅଧ୍ୟକ୍ଷ ଶ୍ରୀ ସାହୁ ଛୁଟି ଘୋଷଣା କରିଥିଲେ ।
