ଟିପିସିଓଡିଏଲ୍ ପକ୍ଷରୁ ନୂଆ ସଂଯୋଗ ପାଇଁ ନୂତନ ସୁବିଧାଜନକ ବ୍ୟବସ୍ଥାର ଶୁଭାରମ୍ଭ
ଟିପିସିଓଡିଏଲ୍ ପକ୍ଷରୁ ନୂଆ ସଂଯୋଗ ପାଇଁ ନୂତନ ସୁବିଧାଜନକ ବ୍ୟବସ୍ଥାର ଶୁଭାରମ୍ଭ
ଭୁବନେଶ୍ୱର: ଅଧିକ ସ୍ୱଚ୍ଛତା ଆଣିବା ଓ ଗ୍ରାହକଙ୍କ ସୁବିଧାକୁ ନିଶ୍ଚିତ କରିବା ଦିଗରେ ଏକ ପଦକ୍ଷେପ ସ୍ୱରୂପ, କେନ୍ଦ୍ରୀୟ ଓଡ଼ିଶାରେ ବିଦ୍ୟୁତ ବିତରଣ ପାଇଁ ଟାଟା ପାୱାର ଓ ଓଡ଼ିଶା ସରକାରଙ୍କ ଯୌଥ ଉଦ୍ୟୋଗ ଟିପି ସେଂଟ୍ରାଲ୍ ଓଡ଼ିଶା ଡିଷ୍ଟ୍ରିବ୍ୟୁସନ ଲିମିଟେଡ୍ (ଟିପିସିଓଡିଏଲ୍) ପକ୍ଷରୁ ନୂଆ ସଂଯୋଗ ହାସଲ କରିବା ଲାଗି ଗ୍ରାହକମାନଙ୍କ ପାଇଁ କେତେକ ସୁବିଧା ଓ ସରଳ ସୋପାନର ଶୁଭାରମ୍ଭ କରାଯାଇଛି ।
ଯେକୌଣସି ବ୍ୟକ୍ତି/ ଗ୍ରାହକ ୪ଟି ସହଜ ସୋପାନକୁ ଅନୁସରରଣ କରି ଏବେ ନୂଆ ସଂଯୋଗ ହାସଲ କରିପାରିବେ । ସେଥିରେ ସାମିଲ ରହିଛି, ୧. ପଞ୍ଜୀକରଣ, ୨. ଉପଯୋଗୀ ଦସ୍ତାବିଜ ଅପ୍ଲୋଡ୍/ ଦାଖଲ କରିବା, ୩. ପେମେଂଟ୍ ଓ ଯାଂଚ ଏବଂ ୪. କଂପାନି ପକ୍ଷରୁ ମିଟର ସ୍ଥାପନ ।
ପଞ୍ଜୀକରଣ କରିବା ଲାଗି ଗ୍ରାହକମାନେ ଟିପିସିଓଡିଏଲ୍ର ସମର୍ପିତ ଦେୟମୁକ୍ତ ନମ୍ବର ୧୮୦୦-୩୪୫-୭୧୨୨/ ୧୯୧୨ରେ କଲ୍ କରିପାରିବେ, ୮୦୯୩୦୦୯୯୯୦ ନମ୍ବରରେ ମିସଡ୍ କଲ୍ କରିପାରିବେ କିମ୍ବା ୮୦୯୩୦୦୯୯୯୦ ନମ୍ବରକୁ “ଘଉପଗକ୍ଟଭସକ୍ଷର ଘଙ୍କଜ୍ଞଭରକ୍ସପଘବଜ୍ଞର” ଏସ୍ଏମ୍ଏସ୍ ପଠାଇପାରିବେ ଓ ସେମାନେ କଂପାନି ଅଧିକାରୀଙ୍କଠାରୁ ଏକ କଲ୍ ପାଇବେ । ଗ୍ରାହକମାନେ ଦ୍ଭରଙ୍ଗମକ୍ଟଦ୍ଭଦ୍ଭରମଗ୍ଧସକ୍ଟଦ୍ଭଅଗ୍ଧକ୍ଟ୍ରମରଦ୍ଭଗ୍ଧକ୍ସବକ୍ଷକ୍ଟୟସଗ୍ଦଷବ.ମକ୍ଟଜ୍ଞ ଇ-ମେଲ୍ ୍ ଆଇଡିରେ ନାମ, ଠିକଣା, ମୋବାଇଲ୍ ନମ୍ବର ଭଳି ବିବରଣୀ ଦେଇ ଇ-ମେଲ୍ ପଠାଇପାରିବେ କିମ୍ବା ୮୦୯୩୦୦୯୯୯୦ ନମ୍ବରରେ ହ୍ୱାଟସ୍ଆପ୍ ମେସେଜ୍ ପଠାଇପାରିବେ । ଏହା ବ୍ୟତୀତ ଗ୍ରାହକମାନେ ପଞ୍ଜୀକରଣ ପାଇଁ ନିଜ ମୋବାଇଲ୍ କିମ୍ବା ଲାପଟପ୍/ ଡେସ୍କଟପ୍ରୁ ଷଗ୍ଧଗ୍ଧକ୍ଟ୍ରଗ୍ଦ://ଜ୍ଞକ୍ଟଭସୟଚ୍ଚଙ୍କଗ୍ଧ.ମକ୍ଟଜ୍ଞ/ଘରଙ୍ଗଉକ୍ଟଦ୍ଭଦ୍ଭରମଗ୍ଧସକ୍ଟଦ୍ଭ/ଉକ୍ଟଦ୍ଭଦ୍ଭରମଗ୍ଧସକ୍ଟଦ୍ଭ ୱେବସାଇଟ୍ ପରିଦର୍ଶନ କରିପାରିବେ ।
ଦସ୍ତାବିଜ ଦାଖଲ ଓ ପେମେଂଟ୍ କରିବା ଲାଗି ଟିପିସିଓଡିଏଲ୍ ପକ୍ଷରୁ ବିଭିନ୍ନ ଚ୍ୟାନେଲ୍ ଓ ମାଧ୍ୟମର ବ୍ୟବସ୍ଥା କରାଯାଇଛି । ଯେକୌଣସି ବ୍ୟକ୍ତି ପଞ୍ଜୀକରଣର ପ୍ରଥମ ସୋପାନ ଶେଷ କରିବା ପରେ ଉପଯୋଗୀ ଦସ୍ତାବିଜ ଅପ୍ଲୋଡ୍ କରିପାରିବେ ଏବଂ ଏସ୍ଏମ୍ଏସ୍/ହ୍ୱାଟସ୍ଆପ୍/ ଇ-ମେଲ୍ ଜରିଆରେ ଆସିଥିବା ଲିଙ୍କ୍କୁ ବ୍ୟବହାର କରି ଅନ୍ଲାଇନ୍ ପେମେଂଟ୍ କରିପାରିବେ । ପଞ୍ଜୀକରଣର ପ୍ରଥମ ସୋପାନ କାମକୁ ଗ୍ରାହକ ଶେଷ କରିବା ପରେ ଯଥା ଶୀଘ୍ର କଂପାନି ତରଫରୁ ଦସ୍ତାବିଜ ଅପ୍ଲୋଡ୍ ଓ ପେମେଂଟ୍ ପାଇଁ ଲିଙ୍କ୍ ପ୍ରଦାନ କରାଯିବ । ଗ୍ରାହକମାନେ ନିକଟସ୍ଥ ଗ୍ରାହକ ସେବା କେନ୍ଦ୍ର/ ଡିଭିଜନର ସେକ୍ସନ ଅଫିସରେ ପ୍ରତ୍ୟକ୍ଷ ଭାବେ ପହଂଚି ଦସ୍ତାବିଜ ଦାଖଲ କରିପାରିବେ ଏବଂ ପେମେଂଟ୍ କରିପାରିବେ ।
“ଗ୍ରାହକଙ୍କ ସୁବିଧାକୁୁ ନଜରରେ ରଖି ଏହି ସରଳ ଓ ସୁବିଧା ସୋପାନଗୁଡ଼ିକର ଶୁଭାରମ୍ଭ କରାଯାଇଛି । ସମସ୍ତ ମଧ୍ୟସ୍ଥିକୁ ଉଚ୍ଛେଦ କରିବା ଏବଂ ଆମର ସମ୍ପୂର୍ଣ୍ଣ ସେବା ବର୍ଣ୍ଣାଳୀରେ ଆମ ଗ୍ରାହକଙ୍କ ପାଇଁ ବାସ୍ତବ ସ୍ୱଚ୍ଛତା ଓ ସୁବିଧା ଆଣିବାକୁ ଆମେ ଚାହୁଛୁ ବୋଲି ଟିପି ସେଂଟ୍ରାଲ୍ ଓଡ଼ିଶା ଡିଷ୍ଟ୍ରିବ୍ୟୁସନ ଲିମିଟେଡ୍ର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଶ୍ରୀଯୁକ୍ତ ଏମ୍ ସେନବାଗମ୍ କହିଛନ୍ତି ।’’
