ଅଲଗା ହେଲେ କ୍ରିକେଟର ଶିଖର ଧାୱନ ଓ ଆୟେଶା ମୁଖାର୍ଜୀ
ନୂଆଦିଲ୍ଲୀ: ଅଲଗା ହେଲେ କ୍ରିକେଟର ଶିଖର ଧାୱନ ଓ ଆୟେଶା ମୁଖାର୍ଜୀ। ଗତକାଲି ଦୁହିଁଙ୍କ ମଧ୍ୟରେ ବିବାହବିଚ୍ଛେଦ ହୋଇଥିବା ଜଣାପଡ଼ିଛି। ଏ ସମ୍ପର୍କରେ ନିଜେ ଆୟେଶା ତାଙ୍କର ଇନଷ୍ଟାଗ୍ରାମରେ ଭାବବିହ୍ୱଳ ହୋଇ ଏକ ପୋଷ୍ଟ କରିଛନ୍ତି। ଆୟେଶା ଓ ଧାୱନଙ୍କ ବିବାହକୁ ପ୍ରାୟ ୯ ବର୍ଷ ହୋଇଥିବା ବେଳେ, ଦୁହେଁ ଶେଷରେ ଅଲଗା ହୋଇଛନ୍ତି। ଆୟେଶା ହେଉଛନ୍ତି ମେଲବର୍ଣ୍ଣର ଜଣାଶୁଣା ବକ୍ସର । ଶିଖର ଧାୱନ ତାଙ୍କୁ ୨୦୧୨ରେ ପ୍ରେମ ବିବାହ କରିଥିଲେ। ଆୟେଶା ପୂର୍ବରୁ ମଧ୍ୟ ପ୍ରଥମ ବିବାହ କରିସାରିଥିଲେ । ଶିକ୍ଷର ଧାୱନଙ୍କୁ ସେ ଦ୍ୱିତୀୟ ବିବାହ କରିଥିଲେ। ଆୟେଶଙ୍କର ପୂର୍ବ ସ୍ୱାମୀଙ୍କ ସହ ଦୁଇ କନ୍ୟା ସନ୍ତାନ ମଧ୍ୟ ଥିଲେ। ଆଉ ଧାୱନ ଦୁହିଁଙ୍କୁ ପୋଷ୍ୟ କନ୍ୟା ରୂପେ ଗ୍ରହଣ କରିଥିଲେ। ପରେ ଧାୱନ ଓ ଆୟେଶାଙ୍କର ଗୋଟିଏ ପୁତ୍ର ସନ୍ତାନ ହୋଇଥିଲା। ବିବାହ ପରେ ଦୁହିଁଙ୍କ ମଧ୍ୟରେ ବେଶ୍ ଭଲପାଇବା ରହିଥିବା ଦେଖିବାକୁ ମିଳିଥିଲା। ଧାୱନଙ୍କ ପ୍ରତିଟି ମ୍ୟାଚ୍ରେ ଆୟେଶା ଯୋଗ ଦେଉଥିବା ମଧ୍ୟ ନଜର ଆସନ୍ତି। ତେବେ ଏପରି ହଠାତ୍ ବିବାହବିଚ୍ଛେଦ କାହିଁକି ହେଲା ତାହା ଜଣାପଡ଼ିନାହିଁ। ଏନେଇ ଆୟେଶା ତାଙ୍କ ଇନ୍ଷ୍ଟାଗ୍ରାମ୍ରେ ସୂଚନା ଦେଇଥିବା ବେଳେ, ଧାୱନଙ୍କ ପକ୍ଷରୁ କିଛି ସୂଚନା ମିଳିପାରିନାହିଁ ।
