ଏହି ରାଜ୍ୟରେ ଶତପ୍ରତିଶତ କ୍ଷମତାରେ ଖୋଲାଯିବ ବିଦ୍ୟାଳୟ

ଭୋପାଳ : ମଧ୍ୟପ୍ରଦେଶରେ କରୋନା ପ୍ରତିବନ୍ଧକ ହଟାଇବା ପରେ ବର୍ତ୍ତମାନ ସମସ୍ତ ବିଦ୍ୟାଳୟ ଶତ ପ୍ରତିଶତ କ୍ଷମତା ସହିତ ଖୋଲିବାକୁ ଯାଉଛି । ଆଜି ସନ୍ଧ୍ୟା ସୁଦ୍ଧା ଶତପ୍ରତିଶତ କ୍ଷମତା ବିଶିଷ୍ଟ ବିଦ୍ୟାଳୟ ଖୋଲିବା ପାଇଁ ନିର୍ଦ୍ଦେଶ ମଧ୍ୟ ଜାରି କରାଯାଇଛି । ଶତପ୍ରତିଶତ କ୍ଷମତା ବିଶିଷ୍ଟ ବିଦ୍ୟାଳୟ ଖୋଲିବାକୁ ବିଦ୍ୟାଳୟ ଶିକ୍ଷା ମନ୍ତ୍ରୀ ଇନ୍ଦର ସିଂ ପରମାର ନିଜେ ଘୋଷଣା କରିଛନ୍ତି । ବିଦ୍ୟାଳୟ ଶିକ୍ଷା ମନ୍ତ୍ରୀ ଇନ୍ଦର ସିଂ ପାରମାରଙ୍କ କହିବା ଅନୁଯାୟୀ, କରୋନା ନିଷେଧାଦେଶ ହଟାଯିବା ପରେ ଶତପ୍ରତିଶତ କ୍ଷମତା ବିଶିଷ୍ଟ ବିଦ୍ୟାଳୟଗୁଡ଼ିକ ଖୋଲାଯିବ । ବିଦ୍ୟାଳୟ ଶିକ୍ଷା ମନ୍ତ୍ରୀ କହିଛନ୍ତି ଯେ କରୋନା କାରଣରୁ ଅନଲାଇନ୍ ଶିକ୍ଷା କରାଯାଉଛି । କିନ୍ତୁ ସେ ମଧ୍ୟ ଏହା ସପକ୍ଷରେ ନାହାଁନ୍ତି । ଅନଲାଇନ୍ ଶିକ୍ଷା ଦାନ ଦ୍ୱାରା ପାଠପଢା ପ୍ରଭାବିତ ହୋଇଛି । ରାଜ୍ୟରେ କରୋନା କାରଣରୁ, ପୂର୍ବ ଓ ବର୍ତ୍ତମାନ ସମୟରେ ପାଠପଢା ପ୍ରଭାବିତ ହେବା ସହ ଯେଉଁଭଳି ଭାବେ ପାଠପଢା ଯିବା କଥା ତାହା ହୋଇପାରି ନାହିଁ । ବର୍ତ୍ତମାନ କରୋନା ପ୍ରତିବନ୍ଧକ ହଟାଇବା ପରେ ବିଦ୍ୟାଳୟ ଶିକ୍ଷା ବିଭାଗ ନିଷ୍ପତ୍ତି ନେଇଛି ଯେ, ପୂର୍ଣ୍ଣ କ୍ଷମତା ସହିତ ବିଦ୍ୟାଳୟଗୁଡ଼ିକ ଆରମ୍ଭ ହେବ । ରାଜ୍ୟର ଛାତ୍ରଛାତ୍ରୀଙ୍କୁ ଆବେଦନ କରି ସେ କହିଛନ୍ତି ଯେ, ଫେବୃଆରୀ-ମାର୍ଚ୍ଚରେ ଦଶମ ଏବଂ ଦ୍ୱାଦଶ ପରୀକ୍ଷା ପାଇଁ ପ୍ରସ୍ତାବ ଦିଆଯାଇଛି । ତେଣୁ ପରୀକ୍ଷାର ସ୍ୱଳ୍ପ ସମୟକୁ ଦୃଷ୍ଟିରେ ରଖି ବିଦ୍ୟାଳୟକୁ ଯାଆନ୍ତୁ । ଏଥିସହିତ ସରକାରୀ ମୁଖପାତ୍ର ନରୋତ୍ତମ ମିଶ୍ର ମଧ୍ୟ ବିଦ୍ୟାଳୟ ଖୋଲିବାକୁ ନିଶ୍ଚିତ କରିଛନ୍ତି ଏବଂ କହିଛନ୍ତି ଯେ ଆଜି ସନ୍ଧ୍ୟା ସୁଦ୍ଧା ବିଦ୍ୟାଳୟ ଖୋଲିବାକୁ ନିର୍ଦ୍ଦେଶ ଦିଆଯିବ । ଗତ ୨୪ ଘଣ୍ଟା ମଧ୍ୟରେ ରାଜ୍ୟରେ ୧୩ ଟି ନୂଆ କରୋନା ମାମଲା ଦେଖିବାକୁ ମିଳିଛି ।

Spread

Leave a Reply

Your email address will not be published. Required fields are marked *