ଲଘୁଚାପ ବର୍ଷାରେ ହୀରାକୁଦରେ ବୃଦ୍ଧି ପାଉଛି ଜଳସ୍ତର

ସମ୍ବଲପୁର: ରାଜ୍ୟରେ ଜାରି ରହିଛି ଲଘୁଚାପ ଜନିତ ବର୍ଷା। ଏହାର ପ୍ରଭାବରେ ଆଜି ବିଭିନ୍ନ ଜିଲ୍ଲାରେ ବର୍ଷା ସମ୍ଭବାନା ଲାଗି ରହିଛି। ସେପଟେ ରାଜ୍ୟକୁ ଡରାଇଲାଣି ଆଉଏକ ଲଘୁଚାପ। କାରଣ ଆସନ୍ତା ୨୫ତାରିଖରେ ପୂର୍ବ-କେନ୍ଦ୍ରୀୟ ତଥା ତତ୍‌ସଂଲଗ୍ନ ଉତ୍ତର-ପୂର୍ବ ବଙ୍ଗୋପସାଗର ଅଞ୍ଚଳରେ ଆଉ ଏକ ଘୂର୍ଣ୍ଣିବଳୟ ସୃଷ୍ଟି ହେବାର ସମ୍ଭାବନା ରହିଛି। ତେବେ ରାଜ୍ୟରେ ବର୍ଷା ଲାଗି ରହିଥିବା ବେଳେ ହୀରାକୁଦ ଜଳଭଣ୍ଡାରର ଜଳସ୍ତର ଏବେ ସର୍ବୋଚ୍ଚ ସ୍ତରରେ ପହଞ୍ଛିଚି। ହୀରାକୁଦର ସର୍ବାଧିକ ଜଳଧାରଣ କ୍ଷମତା ୬୩୦ ଫୁଟ୍ ଥିବା ବେଲେ ଆଜି ଜଳସ୍ତର ରହିଛି ୬୨୯ ଦଶମିକ ୪୭ ଫୁଟ। ତେବେ ଆଗକୁ ଯଦି ଉପର ମୁଣ୍ଡରେ ବର୍ଷା ହୁଏ ତେବେ ଜଳଭଣ୍ଡାରର ସ୍ଥିତିକୁ ଦେଖି କର୍ତ୍ତୃପକ୍ଷ ଆଉ ଗେଟ୍‌ ଖୋଲିବେ ନା ନାହିଁ, ସେନେଇ ନିଷ୍ପତ୍ତି ନେବେ। ତେବେ ଜଳଭଣ୍ଡାରୁ ଜଳ ପ୍ରବେଶ ଏବେବି ଅଧିକ ରହିଛି। ଯଦି ଉପର ମୁଣ୍ଡରେ ବର୍ଷା ହୁଏ, ତାହେଲେ ଜଳଭାଣ୍ଡରର ସ୍ଥିତିକୁ ଦେଖି ଗେଟ ଖୋଲାଯିବ ବୋଲି ହୀରାକୁଦ ଜଳଭଣ୍ଡାର ମୁଖ୍ୟ ଯନ୍ତ୍ରୀ ଆନନ୍ଦ ଚନ୍ଦ୍ର ସାହୁ କହିଛନ୍ତି।

Spread

Leave a Reply

Your email address will not be published. Required fields are marked *