ଦଶମ ଓ ଦ୍ୱାଦଶ ଛାତ୍ରଛାତ୍ରୀଙ୍କୁ କେମିତି ଦିଆଯିବ ନମ୍ବର ? କେନ୍ଦ୍ର ସରକାର ଦେଲେ ଫର୍ମୁଲା

ନୂଆଦିଲ୍ଲୀ: ସିବିଏସଇ ଦ୍ବାଦଶ ପରୀକ୍ଷା ମାର୍କିଂ ପ୍ରସଙ୍ଗ । ସୁପ୍ରିମକୋର୍ଟକୁ ଫର୍ମୁଲା ପ୍ରସଙ୍ଗରେ ସିବିଏସଇ କର୍ତ୍ତୃପକ୍ଷ ସୁପ୍ରିମକୋର୍ଟଙ୍କୁ ଜଣାଇଛନ୍ତି । ଦ୍ବାଦଶ ଶ୍ରେଣୀ ମାର୍କିଂ ପାଇଁ ଏକ ଫର୍ମୁଲା ପ୍ରସ୍ତୁତ କରାଯାଇଛି । ପୂର୍ବରୁ ସୁପ୍ରିମକୋର୍ଟ ସିବିଆଇଙ୍କୁ ଫଳାଫଳ ପାଇଁ ଫର୍ମୁଲା ପ୍ରସ୍ତୁତ କରିବାକୁ ୧୪ ଦିନର ସମୟ ଦେଇଥିଲା । ଆଜି ସରକାରଙ୍କ ତରଫରୁ ଏଜି ଦ୍ୱାଦଶ ଫଳାଫଳ ପାଇଁ ପ୍ରସ୍ତୁତ ଫର୍ମୁଲା ବିଷୟରେ କହିଛି । ଆପଣଙ୍କୁ କହି ରଖୁଛୁ ଯେ, କରୋନା ସଂକ୍ରମଣ କାରଣଙ୍କୁ ସିବିଏସଇ ଏବଂ ଆଇସିଏସଇ ଦ୍ୱାଦଶ ବୋର୍ଡ ପରୀକ୍ଷା ୨୦୨୧କୁ ରଦ୍ଦ କରାଯାଇଥିଲା  । ବର୍ତ୍ତମାନ ଫଳାଫଳ ପ୍ରକାଶ କରିବାକୁ ସିବିଏସଇ ଦ୍ୱାରା ଫର୍ମୁଲା ପ୍ରସ୍ତୁତ କରାଯାଇଛି ।

ଆଜି ସିବିଏସଇ ଦ୍ୱାଦଶ ଫଳାଫଳ ଘୋଷଣା ସମ୍ପର୍କରେ ସୁପ୍ରିମକୋର୍ଟରେ ଶୁଣାଣି ହୋଇଛି । ସିବିଏସ୍ଇ ସୁପ୍ରିମକୋର୍ଟରେ ଏକ ଫର୍ମୁଲା ପ୍ରସ୍ତୁତ କରି ଦାଖଲ କରିଛି। ଏହି ଫର୍ମୁଲା ଅନୁସାରେ ଦଶମ ଓ ଏକାଦଶ ଶ୍ରେଣୀ ପରୀକ୍ଷାଫଳ ଅନୁସାରେ ଦ୍ବାଦଶ ଶ୍ରେଣୀ ପରୀକ୍ଷା ଫଳ ନିର୍ଣ୍ଣୟ କରାଯିବ । ଏହା ସହ ଦ୍ବାଦଶ ଶ୍ରେଣୀ ପ୍ରି-ବୋର୍ଡ ପରୀକ୍ଷାକୁ ଭିତ୍ତି କରି ୪୦ ପ୍ରତିଶତ ମାର୍କ ଦେବା ଲାଗି ସିବିଏସଇ କର୍ତ୍ତୃପକ୍ଷ ସୁପ୍ରିମକୋର୍ଟଙ୍କୁ ଜଣାଇଛନ୍ତି । ଦଶମର ୫ଟିରୁ ୩ଟି ଭଲ ମାର୍କ ଥିବା ବିଷୟକୁ ନେଇ ମାର୍କିଂ କରିବାକୁ ସିବିଏସଇ ପ୍ରସ୍ତାବ ରଖିଛି । ସେହିପରି ଦ୍ୱାଦଶ ଶ୍ରେଣୀର ଛାତ୍ରଛାତ୍ରୀମାନଙ୍କ ପାଇଁ ପ୍ରାକ୍ଟିକାଲ୍ ରହିଥାଏ ।

ତେଣୁ ଦଶମରୁ ୩୦ ପ୍ରତିଶତ, ୧୧ ତମରୁ ୩୦ ପ୍ରତିଶତ ଏବଂ ଦ୍ୱାଦଶରୁ ୪୦ ପ୍ରତିଶତ ନିବାଯିବା କଥା କୁହାଯାଇଛି । ଏହିପରି ସେମାନଙ୍କର ମାର୍କ ବାହାରକୁ ଆସିବା ନେଇ ପ୍ରସ୍ତାବ ରଖାଯାଇଛି । ସିବିଏସଇ ଜୁନ୍ ୪, ୨୦୨୧ରେ, ସିବିଏସଇ ମୂଲ୍ୟାଙ୍କନ ମାନଦଣ୍ଡ ସ୍ଥିର କରିବାକୁ ୧୩ ଜଣିଆ କମିଟି ଗଠନ କରିଥିଲା ​ । ଦ୍ୱାଦଶ ମୂଲ୍ୟାଙ୍କନ ନୀତି ସ୍ଥିର କରିବାକୁ କମିଟିକୁ ଦଶ ଦିନ ସମୟ ଦିଆଯାଇଥିଲା। ଯଦିଓ ମୂଲ୍ୟାଙ୍କନ ମାନଦଣ୍ଡ ସ୍ଥିର କରିବାକୁ ସୁପ୍ରିମକୋର୍ଟ କେନ୍ଦ୍ର ସରକାର ଏବଂ ସିବିଏସ୍ଇକୁ ଦୁଇ ସପ୍ତାହ ସମୟ ଦେଇଛନ୍ତି।

Spread

Leave a Reply

Your email address will not be published. Required fields are marked *