ବିଜୁ ଯୁବ ଜନତା ଦଳ ପକ୍ଷରୁ ରକ୍ତଦାନ ଶିବିର ଆୟୋଜିତ

ଭୁବନେଶ୍ୱର: ମହାମାରୀରେ ଦେଖାଦେଉଥିବା ରକ୍ତ ସଂକଟ ଦୂର କରିବାକୁ ଆଗେଇ ଆସିଛି ବିଜୁ ଜନତା ଦଳ । ଓଡ଼ିଶା ମୋ ପରିବାର ପକ୍ଷରୁ ଜୀବନବିନ୍ଦୁ କାର୍ଯ୍ୟକ୍ରମ ଜରିଆରେ ରକ୍ତଦାନ ଶିବିର ଆୟୋଜନ ବ୍ୟାପକ କରାଯାଇଛି । ଏହି ଅବସରରେ ବିଜୁ ଯୁବ ଜନତା ଦଳ ପକ୍ଷରୁ ଆଜି ଦଳୀୟ ରାଜ୍ୟ କାର୍ଯ୍ୟାଳୟରେ ସ୍ୱେଚ୍ଛାକୃତ ରକ୍ତଦାନ ଶିବିରର ଆୟୋଜନ କରାଯାଇଥିଲା। ସଂକ୍ରମଣ ଓ ଟିକାକରଣ କାରଣରୁ ରକ୍ତ ସଂଗ୍ରହରେ ସାମାନ୍ୟ ବାଧା ଉପୁଜିଛି । ଥାଲାସେମିଆ ଓ ସିକିଲସେଲ ରୋଗୀଙ୍କ ସମେତ ଦୈନିକ ଯେଭଳି ରକ୍ତର ଅଭାବରୁ ଜଣଙ୍କର ବି ଯେମିତି ଜୀବନ ହାନି ନଘଟେ ତାକୁ ଗୁରୁତ୍ୱ ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ବିଧାୟକ ପ୍ରଣବ ବଳବନ୍ତରାୟ ଯୋଗଦେଇ ରକ୍ତଦାତାଙ୍କୁ ଉତ୍ସାହିତ କରିଥିଲେ । ରାଜ୍ୟ ବିଜୁ ଯୁବ ଜନତା ଦଳର ସାଧାରଣ ସମ୍ପାଦିକା ତଥା ଅଭିନେତ୍ରୀ ଏଲିନା ଦାଶ ଓ ସାଧାରଣ ସମ୍ପାଦକ ରଶ୍ମି ରଞ୍ଜନ ମିଶ୍ରଙ୍କ ସମେତ ବହୁ ନେତା ଓ କର୍ମୀ ଉପସ୍ଥିତ ଥିଲେ । ଏଥିରେ ୧୦ରୁ ଅଧିକ ୟୁନିଟ ରକ୍ତ ସଂଗ୍ରହ ହୋଇଥିବା ସୂଚନା ମିଳିଛି।

Spread

Leave a Reply

Your email address will not be published. Required fields are marked *