ଜମି ମାଫିଆ ହଡ଼ପ କରିନେଲେ ମା’ ସମଲେଶ୍ୱରୀଙ୍କ ଭୂ-ସମ୍ପତ୍ତି 

ବରଗଡ଼  : ଦିନ କୁ ଦିନ ବରଗଡ଼ରେ ଜମି ମାଫିଆମାନେ ଅତ୍ୟଧିକ ସକ୍ରିୟ ହୋଇ ପଡିଛନ୍ତି । ବିଭାଗୀୟ ଅଧିକାରୀ, କର୍ମଚାରୀମାନଙ୍କୁ ବଡ ଅଙ୍କର ଅର୍ଥ ଦେଇ କେତେବେଳେ ଅନୁସୂଚିତ ଜାତି, (ଏସସି) ଅନୁସୂଚିତ ଜନଜାତି (ଏସ୍‌ଟି) ବର୍ଗର ଜମିକୁ ଉଚ୍ଚ ବର୍ଗର ଲୋକେ ହାତେଇ ନେଉଛନ୍ତି ତ ଆଉ କେବେ ସରକାରୀ ଜମିକୁ ରୟତ କିସମ ଦର୍ଶାଇ ବିକ୍ରି କରୁଥିବା ଅଭିଯୋଗ ହୋଇଛି । ବେଳେ ବେଳେ ଗୋଟିଏ ଜମିକୁ ଅନେକ ଲୋକଙ୍କୁ ବିକ୍ରୀ କରିବା ଆଦି ଅଭିଯୋଗ ହୋଇଛି । ହେଲେ କେବଳ ସେତିକି ନୁହେଁ, ସମ୍ପୃକ୍ତ ଜମି ମାଫିଆମାନେ ସ୍ଥାନୀୟ ଗ୍ରାମଦେବୀଙ୍କ ଭୂ-ସମ୍ପତ୍ତିକୁ ମଧ୍ୟ ହଡପ କରିବାକୁ ପଛଘୁଞ୍ଚା ଦେଇ ନାହାନ୍ତି ।

ବରଗଡ଼ ଅଧିଷ୍ଠାତ୍ରୀ ଦେବୀ ମା’ ସମଲେଶ୍ବରୀଙ୍କ ଜମି ’ଶ୍ରୀ ଶ୍ରୀ ଗ୍ରାମଦେବୀ ବିଜେ ଗାଁ’ ନାମରେ ରେକର୍ଡଭୁକ୍ତ ଥିବାବେଳେ କିଛି ନ୍ୟସ୍ତସ୍ବାର୍ଥ ଜମି ମାଫିଆ ବିଭାଗୀୟ ଅଧିକାରୀମାନଙ୍କୁ ହାତ କରି ଜମିର କିସମ ପରିବର୍ତ୍ତନ କରିବା ସହିତ ନିଜ ନାମରେ ରେକର୍ଡଭୁକ୍ତ କରି ତାକୁ ଚଢାଦରରେ ବିକ୍ରି କରିବାକୁ ଉଦ୍ୟମ କରୁଥିବା ଭଳି ଗୁରୁତର ଅଭିଯୋଗ ହୋଇଛି । ଆଜି ଏଭଳି ଅଭିଯୋଗ ନେଇ ବରଗଡ଼ ତଳିପଡା ଅଞ୍ଚଳର ଅନେକ ବାସିନ୍ଦା ତଥା ମା’ ସମଲେଶ୍ବରୀଙ୍କ ଭକ୍ତମାନେ ବରଗଡ଼ ଉପଜିଲାପାଳଙ୍କୁ ଫେରାଦ ହୋଇ ଉପଜିଲାପାଳଙ୍କ ଅଦାଲତରେ ପିଟିଶନ ଦାଏର୍‌ କରିଛନ୍ତି । ମା’ ସମଲେଶ୍ବରୀଙ୍କ ଜମିର ପୁନରୁଦ୍ଧାର ପାଇଁ ନିବେଦନ କରିଛନ୍ତି । ଏ ସମ୍ପର୍କରେ ଉପଜିଲାପାଳ ଶୁଭେନ୍ଦୁ କୁମାର ସାମଲଙ୍କୁ ପଚାରିବାରୁ ସେ ସମ୍ପର୍କିତ ଏକ ଆବେଦନ ପତ୍ର ପାଇଛନ୍ତି ଏବଂ ତାକୁ ବିଚାର କରି ବିହିତ ପଦକ୍ଷେପ ନିଆଯିବ ବୋଲି ସେ କହଛନ୍ତି।

Spread

Leave a Reply

Your email address will not be published. Required fields are marked *