ଜେକେ ଟାୟାର ପକ୍ଷରୁ କମର୍ସିଆଲ୍ ଯାନ ପାଇଁ ନୂଆ ଉତ୍ପାଦର ଶୁଭାରମ୍ଭ
ଜେକେ ଟାୟାର ପକ୍ଷରୁ କମର୍ସିଆଲ୍ ଯାନ ପାଇଁ ନୂଆ ଉତ୍ପାଦର ଶୁଭାରମ୍ଭ
ଭୁବନେଶ୍ୱର: ଟ୍ରକ୍ ବସ୍ ରାଡିଆଲ୍ ଟାୟାରର ଅଗ୍ରଣୀ ସଂସ୍ଥା ଜେକେ ଟାୟାର ଆଣ୍ଡ୍ ଇଣ୍ଡଷ୍ଟ୍ରିଜ୍ ଲିମିଟେଡ୍ ପକ୍ଷରୁ ଦୁଇଟି ନୂଆ ଉତ୍ପାଦ- ଜେଟ୍ଷ୍ଟିଲ୍ ଜେଡିଏଚ୍ ଏକ୍ସଏମ୍ ଓ ଜେଟ୍ୱେ ଜେୟୁସି ଏକ୍ସଏମ୍ର ଶୁଭାରମ୍ଭ ସହ ଏହାର ରାଡିଆଲ୍ ଟାୟାର ପୋର୍ଟଫୋଲିଓର ସମ୍ପ୍ରସାରଣ କରାଯାଇଛି । ପରିବହନକାରୀମାନଙ୍କ ଲାଗି ଅଭିବୃଦ୍ଧି ସୁଯୋଗକୁ ହାସଲ କରିବା ଏବଂ ବର୍ଦ୍ଧିତ
କଂଚାମାଲ୍ ଦାମ୍ର ମୁକାବିଲା କରିବା ଲାଗି ଜେକେ ଟାୟାର ପକ୍ଷରୁ ଏହି ଉତ୍ପାଦଗୁଡ଼ିକୁ ବିକଶିତ କରାଯାଇଛି ଯାହା ଗ୍ରାହକମାନଙ୍କୁ
ଦୀର୍ଘମିଆଦୀ ଲାଭ ପ୍ରଦାନ କରିବ । ଅଲ୍-ହ୍ୱିଲ୍ ଫିଟ୍ମେଂଟ୍ ଟାୟାରକୁ ନେଇ ରହିଥିବା ଚାହିଦା ଓ ଲମ୍ବା ଜୀବନର ଟାୟାରକୁ ନେଇ ଗ୍ରାହକଙ୍କ ରହିଥିବା ଆଶାକୁ ପୂରଣ କରିବା ଲାଗି କଂପାନି ପକ୍ଷରୁ ପରବର୍ତୀ ପିଢ଼ିର ସେମି-ଲଗ୍ ଟାୟାର ଜେଟ୍ୱେ ଜେୟୁସି
ଏକ୍ସଏମ୍କୁ ଉପସ୍ଥାପନ କରାଯାଇଛି । ଇଭେନ୍-ଓୟାର ଭାବେ ପ୍ରସ୍ତୁତ ଏହି ଟାୟାର ଉତମ ଇନ୍ଧନ ମିତବ୍ୟୟିତା ପ୍ରଦାନ କରିବ ଏକ ପ୍ରିମିୟମ୍ ଟାୟାର ଜୀବନ ପ୍ରଦାନ କରିବ ଯାହା ଟ୍ରକ୍ ମାଲିକଙ୍କ ପାଇଁ ମାଲିକାନା ଖର୍ଚକୁ ହ୍ରାସ କରିବ । କଂପାନି ପକ୍ଷରୁ ଜେଟ୍ଷ୍ଟିଲ୍ ଜେଡ୍ଡିଏଚ୍-ଏକ୍ସଏମ୍କୁ ମଧ୍ୟ ଉପସ୍ଥାପନ କରାଯାଇଛି ଦେଶରେ ଲମ୍ବା ସମୟ ପାଇଁ ଦରକାର ହେଉଥିବା ଆବଶ୍ୟକତାକୁ ପୂରଣ
କରିବ । ଏଥିରେ ଥିବା ଉନ୍ନତ ଟ୍ରେଡ୍ କମ୍ପାଉଣ୍ଡ୍ ଓ ହାଇ ଟ୍ରେଡ୍ ଗଭୀରତା ଉଚ୍ଚ ଟାୟାର ଜୀବନ ପ୍ରଦାନ କରିବାକୁ ପ୍ରସ୍ତୁତ କରାଯାଇଛି । କ୍ଷେତ୍ରର ପ୍ରଥମ “ଜେଟ୍-ଅକ୍ଟ ପ୍ରଯୁକ୍ତି’କୁ ଏଥିରେ ବ୍ୟବହାର କରାଯାଇଛି ଯାହା ଅଧିକ ଦୃଢ଼ତା ଓ ରିଟ୍ରେଡେବିଲିଟି ପ୍ରଦାନ କରିବ । ଏ ସମ୍ପର୍କରେ ଜେକେ ଟାୟାର ଆଣ୍ଡ୍ ଇଣ୍ଡଷ୍ଟ୍ରିଜ୍ ଲିମିଟେଡ୍ର ସଭାପତି (ଭାରତ) ଶ୍ରୀଯୁକ୍ତ ଅନୁଜ କାଠୁରିଆ କହିଛନ୍ତି ଯେ, “ନୂଆ ପ୍ରଯୁକ୍ତିର ଅଭ୍ୟୁଦୟ ଓ ନୂଆ ନିୟମ ଲାଗୁ କରାଯାଉଥିବାରୁ ଭାରତରେ ଟାୟାର ଶିଳ୍ପ ଦୃଶ୍ୟପଟ୍ଟ ନିୟମିତ ଭାବେ ଉଦୟ ହେଉଛି । ଉନ୍ନତ ପ୍ରଯୁକ୍ତି ବିକାଶରେଆଗରେ ରହି, ଜେକେ ଟାୟାରରେ ଆମେ ଗ୍ରାହକମାନଙ୍କ ଲାଗି ଶ୍ରେଷ୍ଠ ମାନର ଉତ୍ପାଦ ଉପସ୍ଥାପନ ଓ ପ୍ରଦାନ କରି ସର୍ବଦା ଆଗରେ ରହିବାକୁ ପ୍ରତିବଦ୍ଧ ରହିଛୁ । ପୂର୍ବ ଭାରତ ଆମ ପାଇଁ ହେଉଛି ଏକ ଉଦୀୟମାନ ସୁଯୋଗ ଓ ଆମେ ଉତ୍ପାଦ ବିକାଶ ଲାଗି ଆମେ ଯଥାର୍ଥତା ସହ କାମ କରୁଛୁ ଯାହା ଖର୍ଚ କମ୍ କରିବା ସହ ଲମ୍ବା ଜୀବନକୁ ନିଶ୍ଚିତ କରୁଛି । ଆମର ବିଶ୍ୱାସ ରହିଛି ଯେ ଆମର ଏହି ନୂତନ ଉତ୍ପାଦ ଏହି ଅଂଚଳରେ ଆମ ସ୍ଥିତିକୁ ଆହୁରି ଦୃଢ଼ କରିବ ।’’
