ଏନ୍ଏକ୍ସଟି ଡିଜିଟାଲ୍ ପକ୍ଷରୁ ୨୦୨୨-୨୩ ଆର୍ଥିକ ବର୍ଷର ପ୍ରଥମ ତ୍ରୈମାସିକରେ ୨୭୯.୧ କୋଟିର ରାଜସ୍ୱ ହାସଲ
ଏନ୍ଏକ୍ସଟି ଡିଜିଟାଲ୍ ପକ୍ଷରୁ ୨୦୨୨-୨୩ ଆର୍ଥିକ ବର୍ଷର ପ୍ରଥମ ତ୍ରୈମାସିକରେ ୨୭୯.୧ କୋଟିର ରାଜସ୍ୱ ହାସଲ
ଭୁବନେଶ୍ୱର: ହିନ୍ଦୁଜା ଗ୍ରୁପ୍ର ସଂସ୍ଥା ଏନ୍ଏକ୍ସଟିଡିଜିଟାଲ୍ ଲିମିଟେଡ୍ ପକ୍ଷରୁ ୨୦୨୨-୨୩ ଆର୍ଥିକ ବର୍ଷର ପ୍ରଥମ ତ୍ରୈମାସିକ
ଆର୍ଥିକ ଫଳାଫଳ ଘୋଷଣା କରାଯାଇଛି । ଆଲୋଚ୍ୟ ତ୍ରୈମାସିକରେ କଂପାନି ୨୭୯.୧ କୋଟି ଟଙ୍କାର ରାଜସ୍ୱ ହାସଲ କରିଛି ଯାହା ପୂର୍ବ ଆର୍ଥିକ ବର୍ଷର ପ୍ରଥମ ତ୍ରୈମାସିକରେ ୨୬୬.୬ କୋଟି ଟଙ୍କା ଥିଲା । ୨୦୨୨ ଜୁନ୍ ୩୦ ସୁଦ୍ଧା ଶେଷ ତ୍ରୈମାସିକ କଂପାନିର ଇବିଆଇଟିଡିଏ ୫୪.୧ କୋଟି ଟଙ୍କା ହୋଇଛି ଯାହା ପୂର୍ବ ଆର୍ଥିକ ବର୍ଷର ଏହି ତ୍ରୈମାସିକରେ ୫୧.୨ କୋଟି ଟଙ୍କା ଥିଲା । ପୂର୍ବ ତ୍ରୈମାସିକରେ ତାହା ୫୬.୫ କୋଟି ଟଙ୍କା ଥିଲା । ବଜାରର ସ୍ଥିତି ଓ ଗ୍ରାହକମାନଙ୍କ ଆବଶ୍ୟକତା ଅନୁଯାୟୀ
ଏନ୍୍୍୍ଏକ୍ସଟି ଡିଜିଟାଲ୍ ଏହାର ଡିଜିଟାଲ୍ ଉତ୍ପାଦ ଓ ସମାଧାନ ଉପରେ ଗୁରୁତ୍ୱ ବଜାୟ ରଖିଛି । ସାରା ଦେଶରେ କଂପାନି ଏହାର ଗ୍ରାହକ ଉପସ୍ଥିତିକୁ ବୃଦ୍ଧି କରୁଛି । କଂପାନି ୪୫୦୦ ପିନ୍ କୋଡ୍ ଓ ୧୫୦୦ରୁଅଧିକ ସହରରେ ସେବା ପ୍ରଦାନ କରୁଛି । ଡିଜିଟାଲ୍୍୍୍୍୍୍୍୍ ଟେଲିଭିଜନ୍, ବ୍ରଡବ୍ୟାଣ୍ଡ୍ ଓ ଓଟିଟି ଆଦି ଡିଜିଟାଲ୍ ଉତ୍ପାଦ କଂପାନି ପ୍ରଦାନ କରୁଛି । କଂପାନି ଏହାର ଏନ୍୍୍୍ଏକ୍ସଟିି ହବ୍କୁ ଆଉ ୪୦ଟି ସହରକୁ ସମ୍ପ୍ରସାରିତ କରିଛି ଏବଂ ଦ୍ୱିତୀୟ ତ୍ରୈମାସିକରେ ଆଉ ୧୦୦ ବଜାରକୁ ସମ୍ପ୍ରସାରିତ ହେବାକୁ ଲକ୍ଷ୍ୟ ରଖିଛି । କଂପାନିର ଆର୍ଥିକ ଫଳାଫଳ ସମ୍ପର୍କରେ ଏନ୍ଏକ୍ସଟି ଡିଜିଟାଲ୍ର ପରିଚାଳନା ନିର୍ଦେଶକ ଓ ସିଇଓ ଭିନ୍ସଲେ ଫର୍ଣ୍ଣାଡିସ୍ କହିଛନ୍ତି ଯେ, “ଆମର ସମ୍ପ୍ରସାରିତ ଡିଜିଟାଲ୍ ଉତ୍ପାଦ ପୋର୍ଟଫୋଲିଓ, ବ୍ୟାପକ ଜାତୀୟ ଉପସ୍ଥିତି ଓ ଉଦୀୟମାନ ପ୍ରଯୁକ୍ତିକୁ ନେଇ ଅଭିବୃଦ୍ଧିକୁ ଆଗକୁ ବଢ଼ାଇବା ଜାରି ରଖିବା ହେଉଛି ଚଳିତ ଆର୍ଥିକ ବର୍ଷ ଲାଗି ଆମର ରଣନୀତି । ସ୍ୱତନ୍ତ୍ର ଉତ୍ପାଦ କ୍ଷେତ୍ରରେ ଗ୍ରାହକ ପିଛା ହାରାହାରି ରାଜସ୍ୱ (ଆର୍ପୁ) ବଢ଼ାଇବା ଉପରେ ଗୁରୁତ୍ୱାରୋପ କରିବା ବଦଳରେ ଗ୍ରାହକମାନଙ୍କ ୱାଲେଟ୍ରେ ବଡ଼ ଭାଗ ହାସଲ କରିବା ଲାଗି ଆମେ ଉଦ୍ୟମ କରିବୁ । ଅନ୍ୟ ପକ୍ଷରେ ଭାରତ ବାହାରେ ଆମେ ଆମର ଡିଜିଟାଲ୍ ସେବାର ସମ୍ପ୍ରସାରଣ କରିବାକୁ ଲକ୍ଷ୍ୟ ରଖିଥିବାରୁ ବ୍ରଡବ୍ୟାଣ୍ଡ୍ ଓଭର୍ ସାଟେଲାଇଟ୍ ଭଳି ଉଦୀୟମାନ ପ୍ରଯୁକ୍ତି ପ୍ରଦାନ କରିବା କ୍ଷେତ୍ରରେ ଆମେ ଆମର ଶକ୍ତି ବ୍ୟବହାର କରିବୁ ।’’
